amalinks wokungena

Breaking News

Umemetheka Ngamandla Umkhuhlane weCOVID-19 eZimbabwe


Uyamemetheka umkhuhlane weCOVID-19 eZimbabwe obulele abantu abane izolo kwathi abangamatshumi ayisithupha lane – 64 bahlolwe batholakala belegciwane leCoronavirus.

Odokotela bathi kumele abantu balimuke umkhakha wegciwane leCOVID-19 obulala okwethusayo owaqhamuka kwele India, osumemetheka eZimbabwe.

Kusenjalo, uhulumende wakwele Melika usenike inhlanganiso yeGlobal Fund amabhiliyoni amathathu lengxenye 3.5 billion amadolar eMelika eyokulwisana lemikhuhlane embalwa egoqela iCOVID-19.

EleZimbabwe likhangelelwe ukuba emalini le, lizanikwa yiGlobal Fund izigidi ezedlula amatshumi ayisikhombisa – US$75 million kusiya kuzigidi ezedlula ikhulu – US$150 million. Ilizwe leZimbabwe liqhuba uhlelo lokuhlaba abantu lisebenzisa amajekiseni agoqela eyeSinopharm, Sinovac kanye leSputnik.

Sekulabantu abedlula kancane amakhulu ayisikhombisa – 690,452 asebehlatshwe okwakuqala amajekiseni okuzivikela kumkhuhlane weCOVID-19.

USikhwicamfundo Solwayo Ngwenya, osebenza eMpilo Hospital, uthi kumele abantu balimuke igciwane leCOVID-19 elimemetheka eZimbabwe.

Facebook Forum

XS
SM
MD
LG