amalinks wokungena

Breaking News

Abalandeli Baka Trump Balungiselela Ukutshengisela eCapitol Bekhonona Ngokubotshwa Kwabanye Babo


Sokuvalwe ngci phandle kwesigodlo samalunga edale lephalamende eWashington DC kwele Melika

Abalandeli bowayengumongameli, uMnu. Donald Trump, bakhangelelwe ukuba kusasa bazatshengisela phandle kwesigodlo sabameli bedale leCongress bekhonona ngokubotshwa kwalabo abatshengisela kuleyondawo ngoZibandlela lonyaka besithi ukhetho luka mongameli lwanyakenye kaluqhutshwanga ngemfanelo.

Abaqoqa lokhu batshele umsakazo weVoice of America ukuthi bazatshengisela ngokuthula hatshi ngokwenza ubudlwangudlwangu njengalokhu okwenzakala ngoZibandlela ngesikhathi bezama ukuvimba ukubalwa kwamavoti abizwa ngokuthi ngama-electoral votes.

UJoseph Biden, osengumongameli wakwele Melika, wanqoba uTrump kukhetho lolu lobanje uTrump esithi waqilwa libandla lama Democrats.

Imithethwandaba eminengi yalahla wonke amacala aphanyekwa nguTrump esithi akulakhetho olwebiwa ngama Democrats.

Kukhangelelwe ukuba bazababalutshwana abatshengisela eCapitol eWashington DC kusasa lapho osokufakwe ucingo lokuvikela isakhiwo lesi, okwabulawa khona amafasitele lokunye ngababetshengisela ngoZibandlela.

UTrump kubikwa ukuba uyakusekela okuzakwenziwa ngabalandeli bakhe kodwa abanye abakubandla lama Republicans kabaphumeli egcekeni ngodaba lolu.

Kulehlekana lama Republicans elithi ababotshwayo ngabantu abathakazelela ezombusazwe hatshi izikliwi.

Sokuvalwe ngci phandle kwesigodlo samalunga edale leCongress njalo lamapholisa asecele ibutho ukuba lisondele eduzane ngoba kungaqhamuka udlakela.

UMnu. Den Moyo, odabuka eZimbabwe ohlala kwele Melika, uthi balelungelo lokutshengisela abalandeli baka Trump nxa bezakwenza ngokuthula.

Balungiselela Ukutshengisela eMelika
please wait

No media source currently available

0:00 0:03:03 0:00


Facebook Forum

XS
SM
MD
LG