Inhlanganiso ezitshiyeneyo zithi iyingcosana imali yezabelo eyethulwe nguhulumende kuBudget yomnyaka ozayo ngakho-ke uhulumende kumele adinge eyinye imali ukwenzela ukuthi luphumelele uhlelo lokupha izabelo amandla okuzibusa.
Lokhu kwethulwe emhlanangweni wenhlanganiso yezabelo ngaphansi kophawu lwe Zimbabwe United Residents Association. Lokhu kulandela ukwethulwa kogwalo olweMetropilotan Bill leLocal Authorities Bill, yisiphathamandla sikaHulumende ephalamende uMnu. July Moyo.
Inhlanganiso lezi zithi imali efakwe nguhulumende kumele ikhutshulwe ukwenzela ukuthi umsebenzi lo uhambe kahle lezigaba zenelise ukwenza inhlelo ezilohlonzi.
Omunye wabakhulume emhlanganweni lo owenzelwe namuhla koBulawayo nguMnu. Mfundo Mlilo okunhlanganiso yeCombined Harare Residents Association.
Ukhulume kabanzi ngokufiswa ngabantu esithi "okumqoka esikukhangeleleyo yikuthi akula devolution kungalamali."
Lokhu kusekelwe nguMnu. Zibusiso Dube, obona ngokukhutshwa kwembiko kunhlanganiso yeBulawayo Residents Association.
“Sifisa ukuthi uhulumende aphathisane labantu kube lokwazisana wonke umuntu abe lolwazi khona kuzakuba lula … Izakhamizi zifisa ukuthi amandla ehliswe ebantwini.”
Omunye obengene lumhlangano uMnu. Aleck Gumede uthi ukwehlukaniswa kwezabelo lokhu kulakho ukuletha ukuthula eZimbabwe.
Uhulumende kaMongameli Emmerson Mnangagwa ukhuthaza ukuthi izabelo zizimele zodwa. Lokhu kuthakazelelwa ngabantu abanengi eMatabeleland leNkabazwe.
.