amalinks wokungena

Breaking News

Izihlobo, Abangene Labalwela Ilungelo Loluntu Bavalelisa uDewa Mavhinga Obelwela Uzulu


Obelwela ilungelo loluntu uDewa Mavhinga, obekuhlanganiso yeHuman Rights Watch, southern Africa. (Columbus Mavhunga/VOA)

Obelwela ilungelo loluntu, uDewa Mavhinga, ungcwatshwe namuhla eChivhu esabelweni seMashonaland East.

Izihlobo, abangane, abalwela ilungelo loluntu labezombangazwe bathe gwaqa namuhla emzini kaMavhinga lapho abamvalelise khona bencoma imisebenzi yakhe.

UMnu. Themba Chivheya, okunhlanganiso yeCentre for Democracy and Peace Advocacy, ngomunye wabavalelise uMavhinga, oselamaviki amabili wabhubha.

UMnu. Pride Mkono, owasebenza loMavhinga kunhlanganiso yeCrisis in Zimbabwe Coalition, laye uncome kakhulu imisebenzi kaMavhinga.

Isikhulumeli sebandla leMDC-T, uMnu Witness Dube, uthi kumele kube lesifundo esikhulu ngomsebenzi owenziwa nguMavhinga.

UMavhinga, owayesebenza kuhlanganiso eyeHuman Rights Watch, waziwa kakhulu ngokulwela ilungelo loluntu lokuchothoza ukulumende ngendlela ezakhayo. Akwaziwa ukuba wabulawa yini ekwele South Africa. Utshiye umkakhe, uFiona, labantwana abane.

Udaba Esilethulelwe NguMlondolozi Ndlovu
please wait

No media source currently available

0:00 0:02:54 0:00


Facebook Forum

XS
SM
MD
LG