amalinks wokungena

Kuvezwa Indlela Ezibalulekileyo Zokunqabela iDiabetes

  • Mavis Gama

Kufundiswana ngemikhuhlane engathelelwaniyo.

Abaphatheke emsebenzini yezempilakahle bancoma izifundo zokunikana ulwazi ngemikhuhlane engathelelwananga efana lowethukela (diabetes) le high blood pressure.

Bathi luqhakathekile ulwazi abalutholile emhlanganweni oqoqwe yinhlanganiso ye Novartis imanyane le Zimbabwe Diabetes Association owenzelwe eHarare.

Omunye walabo akade besemhlanganweni lo, UNkosikazi Kelly Msimanga, ongumongikazi, uthe izifundo lezi ezihlanganisa abongi labodokotela zinikeza ithuba elihle okumangalisayo lokusabalalisa ulwazi ngalezizifo elizweni lonke ukuze uzulu azi imbangela yazo lokuzivikela kizo.

Odokotela bathi udubo lwe diabetes ludubo ulungazange luqakathekiswe okwesikhathi eside ngoba uhulumende ebone kufanele ukulwisana lezifo ezihlasela abantu ngendlela yokuthelelwana kuqala ezifana lengculaza, Cholera lezinye khona lesisifo sesihlasela abantu abedlula oyedwa kutshumi labanye ngalinye.

UMnumzana Desire Tshuma, ongene lumhlangano evela esigabeni sezansi yeMandebeleni, uthi lumhlangano ubanikeze ithuba elihle elizakwenza ukuba ulwazi lusabalale ngokuphangisa njalo abantu bamele bazi ngokuphangisa ukuzivikela lokuzigcina nxa bengabe sebelemikhuhlane le.

UMsimanga uthi leli lithuba lokuvikela uzulu weZimbabwe ngoba okuqakathekileyo kuyikunikeza ulwazi lusiyafika kude njalo kumele bazi ngokuhambelana kwe diabetes lezinye izifo.

Odokotela abangene lumhlangano bathi ulithuba lokuba bekhankasele kuhulumende ukuba atholise imithi ye diabetes emitsha ngoba isigcwele emazweni womhlaba eZimbabwe kusasetshenjiswa imithi esalela kancane emuva.

Abantu abanengi abale diabetes baya kodokotela sokuphele iminyaka edlula elitshumi belalesisifo ngenxa yokungazi kuphazamise impilakahle yabo ethi izifundo ezinje zizaphathisa ngolwazi ebantwini abanengi.

Odokotela bathi umuntu oyedwa kwabalitshumi uhlaselwa yi-diabetes abanye besithi ngokuqela kwaloludubo eZimbabwe lesisimo sesingabe sesifika ebantwini abathathu kutshumi ngalinye labantu bethi lesi yisifo esesisabalala sihlasela lasemaphandleni.

Facebook Forum

XS
SM
MD
LG