amalinks wokungena

Breaking News

Uhulumende Uthi Abadabuka eZimbabwe Abahlala eBotswana Kumele Bavule Amabhizimusi Ekhaya


Basemhlanganweni oqoqwe yisigodlo seZimbabwe kwele Botswana

Uhulumende ukhuthaza abadabuka kwele Zimbabwe abahlala elizweni leBotswana ukuthi bavule amabhizimusi ekhaya.

Lokhu kwethulwe ngabaphathintambo bakahulumende weZimbabwe emhlanganweni owenzelwe eGaborone namuhla obuqoqwe ngummeli wakwele Zimbabwe kwele Botswana.

Abaphantintambo bengatsha zikahulumende ezitshiyeneyo bakhulume ngenhlelo ezikhona ekhaya ezilenhloso yokukhanga abahlala phandle kwelizwe ukuthi bazovula amabhizimusi.

Umhlangano wabadabuka kwele Zimbabwe abahlala eBotswana.
Umhlangano wabadabuka kwele Zimbabwe abahlala eBotswana.

Osebenza ebhanga leReserve Bank of Zimbabwe, uNkosikazi C. Tembo, uthi abangaphandle kwelizwe kumele bekhululeke nxa befisa ukuvula amabhizimusi ekhaya.

UNkosikazi Tembo uthi abantu akumelanga besabe ukuvula amabhizimusi ngoba bezayenelisa ukukhipha phandle kwelizwe inzunzo ephuma kumabhizimusi abo.

Abantu abanengi batshengise ukungathembi uhulumende besithi abalaqiniso lokuthi bangayithola yini imali yabo uma bengavula amabhizimusi ekhaya.

UMnu. Similo Nkala, owenhlanganiso yeZimTrade, uthi bakhuthaza njalo abadabuka kwele Zimbabwe ukuba bathengise impahla elungiswa ekhaya emazweni atshiyeneyo.

UNkosazana Soneni Dube, obengene lumhlangano, uthi umhlangano owenzelwe eGaborone ubapha ithemba bengomama ukuthi labo benze ezamabhizimusi.

Okade emmele inhlanganiso yamasiko esintu eyeSibanye Cultural Society, uNkosazana Hadebe, uthi bafunde okunengi ngamathuba akhona ekhaya, okuzabanika ulwazi oluqhakathekileyo uma befisa ukusungula amabhizimusi.

Umsekeli kammeli weZimbabwe eBotswana, uNkosikazi Margaret Ruparanganda, uthi kuqakathekile ukuthi kwaziwe inani labadabuka eZimbabwe abahlala kwele Botswana ukuze baphathiswe ngendlela eqondileyo yihofisi yommeli.

Udaba Esilethulelwe NguMartin Ngwenya
please wait

No media source currently available

0:00 0:02:53 0:00

Facebook Forum

XS
SM
MD
LG