amalinks wokungena

Breaking News

Abadabuka eZimbabwe Abahlala Kwamanye Amazwe Bafisa Ukuvota Kukhetho Oluzakwenziwa Ngomnyaka ka2023


FILE: Okhokhela iZimbabwe Electoral Commission uJustice Priscilla Chigumba kakhulumi ngokuvota kwabadabuka eZimbabwe abahlala kwamanye amazwe abafisa ukuba bavote besemazweni abahlala khona.

Abadabuka eZimbabwe abahlala kwamanye amazwe bathi kumele eleZimbabwe libavumele ukuba bavote besemazweni atshiyeneyo kukhetho lwelizwe.

Bathi bakhathazwa ngokwethulwe nguMnu. Patrick Chinamasa, obambe okwesikhatshana uhlangothi olubona ngokukhanga abantu ukuba bangene kubandla leZanu PF, othi abahlala kwamanye amazwe kabasoze bavunyelwe ukuvota besemazweni atshiyeneyo nxa kungesulwanga izijeziso zenotho ezafakelwa inkokheli yebandla leZanu PF ngamazwe entshonalanga.

UNkosikazi Barbara Tanyanyiwa, okubandla leMDC Alliance, uthi kumele bavunyelwe kuvota abadabuka eZimbabwe abahlala kwamanye amazwe.

Lokhu kusekelwa nguMnu. Mthulisi Hanana, okunhlanganiso yeDumiso Dabengwa Foundation, osanda kubaleka eZimbabwe kulandela ukuhlaselwa kwakhe ngabacatshangelwa ukuba badlelana lohulumende kaMongameli Emmerson Mnangagwa.

Kodwa uMnu. Joseph Tshuma, okubandla leZanu PF, uthi kunzima kakhulu ukuqhuba uhlelo lweZimbabwe kwamanye amazwe, ikakhulu afakela inkokheli yebandla leZanu PF izijeziso zenotho.

Abadabuka eZimbabwe abahlala kwamanye amazwe sebelesikhathi eside becela uhulumende ukuba avumeke ukuthi bavote kukhetho lwelizwe.

Abadabuka eZimbabwe Abahlala Kwamanye Amazwe Bafuna Ukuvota Kukhetho
please wait

No media source currently available

0:00 0:03:21 0:00


Facebook Forum

XS
SM
MD
LG