Izizalwane zeZimbabwe ezihlala kwamanye amazwe zithi kazisoze zilahle ithemba lokuthi zizavunyelwa ukuvota kukhetho lwelizwe esikhathini esilandelayo.
Zithi kuqakathekile kakhulu ukuthi zibe zikhulumisana ngokuphatheka kukhetho lwelizwe, ikakhulu ngokuzama ukuthi uhulumende avotise abahlala emazweni ezigodlweni zelizwe leZimbabwe emazweni atshiyeneyo.
Umthethwandaba weConstitutional Court usanda kwethula isinqumo esithi kabasoze bavote kukhetho oluzayo abantu beZimbabwe abazabe besemazweni abahlaka kiwo ngesikhathi kusenziwa ukhetho lolu.
UMnu. Vukani Moyo, isizalwane seZimbabwe esihlala eDallas, Texas, kwele Melika, uthi kumele bezame ukukhanga uhulumende ukuthi abavumele ukuvota emnyakeni elandelayo.
Uthi kuyenzakala ukuthi abantu abahlala kwamanye amazwe bavotele ezigodlweni zeZimbabwe lapho abahlala khona.
