amalinks wokungena

Breaking News

Isizalwane seZimbabwe Sivula Ibhizimusi Yokuthwala Impahla eNew Zealand


Umnu. Sipho Dube ohlala eNew Zealand. (Courtesy Image)

Kuhlelo lwezizalwane zeZimbabwe ezihlala kwamanye amazwe, ngoLwesithathu sixoxa loMnu. Sipho Dube owayesebenzela umsakazo weZimbabwe Broadcasting Corporation (ZBC).

UDube usesungule inkampani yakhe yokuthwala impahla eAuckland, New Zealand. Uthi inkampani le isebenza gadalala kwezokuthumeza lokwamukela impahla evela kwamanye amazwe.

UDube uthi inkampani yakhe ebizwa ngokuthi yiKalalima Investments isebenzelana lamankampani enjenge Kings Australia ekuthwaleni impahla etshiyeneyo.

“Ngingumuntu owafika lapha waqhubekela phambili ngezifundo njengawo wonke amaZimbabweans. Ngisungule ke inkampani le ekhangelane lokuthwala impahla enjengezincwadi njengalokho okwenziwa yiPTC (Posts and Telecommunications) kwele Zimbabwe.”

uDube uthi umsebenzi lo uqakathekile elizweni leli ngenxa yokuthi kunengi okufunwa ngabantu lamankampani okuthwalwa nsukuzonke.

Uthi zinengi izizalwane zeZimbabwe ezihlala eNew Zealand ezilobuciko obukhulu bokwenza okuhambelana lalokho abakwenzayo.

XS
SM
MD
LG