amalinks wokungena

Breaking News

Izithunywa Zika Mnangagwa Zethekelela Inkokheli yeAfrican Union Ezahlangana NgeSonto eAddis Ababa


URetired Air Marshall Perrence Shiri wethekelele kwele Kenya lapho abone khona uMongameli Uhuru Kenyatta.

UMongameli Emmerson Mnangagwa usethume abantu ukuthi bayekhuluma lenkokheli yamazwe ambalwa kuzwekazi leAfrica ngesikhathi kulungiselelwa umhlangano obizwa ngokuthi yi-32nd Ordinary Session of the Assembly of the African Union ozakwenzelwa edolobheni leAddis Ababa kwele Ethiopia ngeSonto langoMvulo.

Izithunywa zakhe zigoqela uMnu. Chris Mutsvangwa loMnu. Perrence Shiri, obambe okwesikhatshana isikhundla somphathintambo wohlangothi lukahulumende olubona ngokudlelana lamanye amazwe.

Izithunywa lezi sezihlangane loMongameli Uhuru Kenyatta, uMongameli Edgar Lungu labanye abakhangelelwe ukuthi bazamsekela ngokwenzakala eZimbabwe okulebutho elithwalise nzima uzulu kulandela ukutshengisela kwabantu emigwaqweni bekhonona ngokukhuphulwa kwentengo yamafutha ezimota lokunye okutshiyeneyo.

UKenyatta kubikwa ukuthi useqalisile ukukhuluma ngokwenzakala eZimbabwe esithi okuhluphayo yizijeziso zenotho ezafakelwa uMnangagwa labanye bakhe ngamazwe entshonalanga.

Asenelisanga ukukhuluma ngodaba lolu labaphathintambo bakahulumende lezithunywa zikaMnangagwa.

Abalandeli bebandla leZanu PF abagoqela uMnu. Joseph Tshuma okudale leCentral Committee kubandla leli, basekela okwenziwa yizithunywa zikaMnangagwa.

“Bekuvele kumele kwenziwe lokhu ngoba abanye abantu kade bethola imibiko efanayo hatshi okunye okwenzakala eZimbabwe okunjengokubulawa kwepholisa labantu abagqekeza ezitolo batshontsha impahla enengi.”

Kodwa-ke uMnu. Clement Moyo olwela ilungelo loluntu uthi uMnangagwa uzama ukufihlela inkokheli yezwekazi leAfrica okwenzakala elizweni leZimbabwe.

“Abantu laba bamumethe amanga kuphela. Yikho abazakwethulela inkokheli yeAfrican Union. Bayafanana abantu laba. Khangela ukuthi kwenzakalani kwamanye amazwe lapho uMnangagwa athume khona abantu bakhe! Amazwe la kawahloniphi ilungelo likazulu.

“Kuyadanisa ukuthi kwenzekala konke lokhu uMnangagwa engakalungisi okwethulwa yiKgalema Motlanthe Commission eyahlolisisa ukubulawa kwabantu eHarare nyakenye. Bazakuphendulela konke okwenzakala eZimbabwe bakhulume ngezijeziso zenotho ezafakelwa uMnangagwa ngamazwe entshonalanga besithi yikho okuhluphayo eZimbabwe.”

Okwamanje edolobheni leAddis Ababa kulezithunywa zabohulumende abazangena umhlangano weAfrican Union ozayo lapho okukhulunywa ngokuzaphathwa yinkokheli yamazwe akumanyano oweA.U.

'Izithunywa Zika Mnangagwa Zizakhuluma Ngokunye Okwenzakala eZimbabwe'
please wait

No media source currently available

0:00 0:02:08 0:00

Facebook Forum

XS
SM
MD
LG