amalinks wokungena

Breaking News

Umthethwandaba Uthetha Icala Labodokotela Abakhalala Umsebenzi


Doctors strike

Umthethwandaba weLabour Court uthetha udaba lwabadokotela asebelenyanga lamalanga ambalwa bekhalala umsebenzi.

Udaba lolu luphanyekwe emthethwandaba lo luhlangothi oluqhatsha odokotela olweHealth Service Board lubambisana lolwezisebenzi olwePublic Service, Labour and Social Welfare.

UDokotela Paulius Sikosana labanye abakuhlangothi lweHealth Service Board.
UDokotela Paulius Sikosana labanye abakuhlangothi lweHealth Service Board.

UDokotela Paulinus Sikosana, umgcinisihlalo weHealth Service Board, utshele umsakazo weStudio 7 ukuthi bahambise udaba lolu emthethwandaba kulandela ukwala kwabodokotela iholo elikhuphulwe ngesilinganiso sokwedlula amatshumi ayisithupha – 66 percent.

UDokotela Sikosana uthi umthethwandaba lo uzathatha isinqumo esizalandelwa nguhulumende.

Ingcwethi kwezemithetho yezisebenzi, uMnu. Davies Ndumiso Sibanda, uthi odokotela abakhalala umsebenzi bakhangelelwe ukuthi bazatshela umthethwandaba weLabor Court ukuthi bayehluleka ukuya emsebenzini ngenxa yeholo eliphansi.

USibanda uthi kumele bakubeke kucace enkantolo elakho ukubajezisa kungatholakala ukuthi babaleka emsebenzini kungelazizatho eziveza ukuhlupheka kwabo.

Uthi kukhangelelwe njalo ukuthi uhulumende uzazama ukuthi odokotela laba, abagoqela abasathuthukayo labalesikhathi eside besebenza ezibhedlela zikahulumende, batshelwe yinkantolo ukuthi badinge kutsha umsebenzi ezibhedlela zikahulumende.

Facebook Forum

XS
SM
MD
LG