amalinks wokungena

Breaking News

Uhulumende Usebophisa Odokotela Abakhalala Umsebenzi


A group of Zimbabwean doctors sing as they protest at Parirenyatwa hospital in Harare, Zimbabwe, Sept. 15, 2019.

Uhulumende uthi usezahambisa odokotela abakhalala umsebenzi emthethwandaba kulandela ukwala kwabo ukwamukela iholo elikhuphulwe ngokwedlula okuyisithupha ekhulwini – 66 percent.

Odokotela laba abasathuthukayo sebelenyanga besala umsebenzi befuna ukuthi uhulumende akhuphule iholo ngokuhambelana lentengo yedola leMelika esetshenziswa libhanga leReserve Bank of Zimbabwe.

UDokotela Paulinus Sikosana, umngcinisihlalo wohlangothi oluqhatsha odokotela olweHealth Service Board, uthi sebekubone kufanele ukuthi bahambise udaba lolu kuhlangothi lukahulumende olwezisebenzi.

UDokotela Sikosana uthi lokhu kungenza odokotela babuyele emsebenzini.

Ingxoxo Esiyenze LoDokotela Sikosana
please wait

No media source currently available

0:00 0:01:25 0:00


Kodwa-ke uDokotela Masimba Ndoro, isikhulumeli senhlanganiso yabodokotela eyeZimbabwe Hospital Doctors’ Association, uthi kabasoze babuyele emsebenzini loba sebesethuselwa nguhulumende.

“Umqhatshi ulelungelo lokwenza akufunayo lobanje thina sibona engani kumele enze okuqondileyo ukwenzela ukuthi sibuyele emsebenzini. Akusebenzi lokhu ukuthi asihambise eLabor Court. Ukusihambisa emthethwandaba akusoze kwenze ukuthi sisebenze ngemfanelo. Abakhangele izikhalazo zethu. Kasiyi emsebenzini.

“Sayala ukuvuma iholo esasiliphiwa nguhulumende ngoba isikhuphukile indlela abantu abaphila ngayo. Besingeke sakwamukela lokhu ngoba bekufana lokuthi akulamali esiyiphiweyo. Thina sifuna imali ehambelana lemali ethengiswa emkambo wesizwe wemali. Sibona engani abasiphathi kahle. Esikufunayo kabakulungisanga. Lokhu akade befuna sikwamukela akusebenzi ngitsho lakancane.”

Ingxoxo Esiyenze LoDokotela Masimba Ndoro
please wait

No media source currently available

0:00 0:01:58 0:00


Odokotela abalesikhathi besebenza ezibhedlela zikahulumende labo sebekhalala umsebenzi bekhala ngokufanayo.

Facebook Forum

XS
SM
MD
LG