amalinks wokungena

Breaking News

Abanye Odokotela Abakhalala Umsebenzi eZimbabwe Sebesiya Kwamanye Amazwe


D
D

Odokotela abakhalala umsebenzi kubikwa ukuthi sebedinga umsebenzi kwamanye amazwe agoqela eleSouth Africa lakwele Australia lapho abalakho ukuphila ngemfanelo.

Odokotela abakhulume leStudio 7 ngoLwesine bathe kabaselandaba lokuzakwenziwa nguhulumende othi babaleka emsebenzini njalo kabasafuni ukukhuluma ngeholo lohlangothi oluqhatsha odokotela olweHealth Service Board ngokukhuphulwa kweholo kanye lama on-call allowances abo.

Bathi kulamazwe amanengi afuna ukubaqhatsha ngakho-ke abanye babo sebetshiyile umsebenzi kube labanye abalokhu belethemba lokuthi uhulumende uzakhuphula iholo labo.

Kuladobokotela abasathuthukayo, asebekuphuke kancane labalesikhathi eside besebenza ezibhedlela zikahulumende abakhalala umsebenzi.

Uhulumende usanda kukhuphula iholo labo ngokuphindiweyo kodwa odokotela bathi i2,400 yama on-call allowances kayisoze ibasize ngoba bona bafuna ukuthi baphiwe imali ehambelana lesisindo sedola leMelika emkambo wemali.

Uhulumende uthi kalamali yokwenza lokhu. UDokotela Mthabisi Bhebhe, okunhlanganiso yadobokotela abakhalala umsebenzi eyeZimbabwe Hospital Doctors’ Association, utshele IStudio 7 ukuthi odokotela abanengi sebelubhekise kwamanye amazwe njengoba kusehlula ukuthi uhulumende ekhuphule iholo labo.

Uthe kabasoze bayehlaliswa phansi nguhulumende bathoniswe ukuthi babaleka emsebenzini.

UDokotela Paulinus Sikosana, umgcinisihlalo wohlangothi oluqhatsha odokotela olweHealth Service Board, uthe bazajezisa odokotela loba bengasoze babuye eParirenyatwa ngoMvulo ukuzothoniswa amacala okuthi babaleka emsebenzini kusukela mhlaka 3 Mpandula.

Ingxoxo Esiyenze LoDokotela Mthabisi Bhebhe
please wait

No media source currently available

0:00 0:01:59 0:00


XS
SM
MD
LG