Ingcwethi kwezokulima zithi kumele abantu eZimbabwe bahlanyele amabele atshiyeneyo njalo lotshani bezifuyo ukuze banqabele indlala elizweni ebangwa yikuswelakala kwezulu.
Ingcwethi lezi zithi kunengi okungenziwa nguzulu ngesikhathi sokoma okungenza abantu beziphilise hatshi ukumelela ukudla okuphiwa nguhulumende lenhlanganiso ezizimele zodwa.
Eyinye yezingcwethi lezi nguMnu. Everson Ndlovu, ofundisa ekolitshini leNational University of Science and Technology obona ngendlela ezibalulekileyo zokuhlanga abantu okubizwa ngeSilungu ngokuthi yiDisaster Management.
UNdlovu uthi kuqakathekile ukuthi abantu bahlanyele inyawuthi, amabele, upoko lokunye.
Sixoxe njalo ngodaba lolu loMnu. Dumisani Nyoni, obona ngezokulima kuhlangothi lukahulumende olweAgricultural, Technical and Extension Services, othi abantu kumele bazimisele ukulwisana lendlala sonke isikhathi.
Uthi ukoma lokhu kuzahlal akukhona ngakho-ke kumele uzulu abelamaqhinga atshiyeneyo okuzidingela ukudla lokufuya inkomo.