amalinks wokungena

Breaking News

Abanye Abantu Behlulekile Ukuyabonga Izihlobo Ngekhefu lePhasika


Amalunga eApostolic Pentecostals bananza ikhefu lePhasika, Sunday April 4, 2021.

Kulabanye abantu abathi kabenelisanga ukuyabona izihlobo labangane ngekhefu lePhasika ngenxa yokuvalwa kwemingcele yelizwe leZimbabwe kanye lokusebenza ngekhefu lePhasika.

Loba kunjalo, abafundisi bokholo lweSiKhristu bathi kuqakathekile ukulandela uNkulunkulu sonke isikhathi.

Kulabanye abantu abasebenza ngesikhathi sekhefu lePhasika abathi kubanzima ukuhlangana lezihlobo labangane. Bathi imisebenzi yabo kayibavumeli ukuba bathakazelela amakhefu atshiyeneyo. Omunye wabo nguMnu. Thandazani Tshababa.

Kwabalandela ukholo lweSiKhristu, kubenzima lonyaka njenganyakenye ukuyakhonza ezindlini zokukhuleka ngenxa yomkhuhlane weCOVID-19.

UMfundisi Sinda Ngulube, oweBrethren-In-Christ Church, uthi basebenzise indlela ezitshiyeneyo ezokutshumayela ilizwe lika Nkulunkulu.

UMfundisi Useni Sibanda owenhlanganiso yeZimbabwe Christian Alliance uthi abantu bakhonza uNkulunkulu ngendlela ezitshiyeneyo kulez’insuku.

Uthi kuqakathekile ukuthi abantu bakhonze uNkulunkulu loba bebhekane lomkhuhlane weCOVID-19.

Amakholwa athi usuku lwanumuhla olweEaster Monday ngelokuphumula. UMfundisi Raphael Mthombeni uthi kaluhambelani lokulotshwe egwalweni lwabangcwele iBhayibhili.

Abantu emhlabeni wonke jikelele bananza ikhefu lePhasika ngendlela ezitshiyeneyo. Kulabanye abenza amadili kubelabanye njalo abahlangana lezihlobo labangane kwenziwe amadili.

Bakhala Ngokuswela Isikhathi Sokwethekelela Abangane Lezihlobo
please wait

No media source currently available

0:00 0:05:22 0:00


Facebook Forum

XS
SM
MD
LG