amalinks wokungena

Breaking News

Amapholisa Afuna Ukuphenya Konke Okwenziwa yiEconet Okuthiwa Yenza Imali Okungekho Emthethweni


Bathenga bethengisa imali ...

Amapholisa asephiwe imvumo ngumthethwandaba ukuthi athathe ingwalo ezijulileyo zenkampani yeEconet Wireless ecatshangelwa ukuthi yenze ubukhohlakali ekuthengeni lekuthengiseni imali eZimbabwe.

Umthethwandaba unike amapholisa invumo le ngoLwesihlanu kucatshangelwa ukuba iEconet kusukela ngoZibandlela kusiyafika ekupheleni kuka Nhlangula yayisebenzisa abantu abatshiyeneyo ekuthengeni lekuthengiseni imali kumkambo wemali ongekho emthethweni.

Lokhu kuvezwe kumaphepha ethulwe ngumthethwandaba anika amapholisa invumo yokwenza lokhu.

Elinye lamaphepha elilotshwe lafakwa ibizo lomkhokheli wohlangothi oluphenya amacala olweCriminal Investigations Department (Asset Unit), uMnu. Mkhululi Nyoni, liveza ukuba kumele iEconet inike amapholisa, phakathi kwamalanga ayisikhombisa, amaphepha aveza amagama abantu bonke abalabomakhalekhukhwini kunkampani le kanye lokutshengisa indlela inkampani le esebenzisa ngayo imali.

Asenelisanga ukukhuluma leziphathamandla zenkampani yeEconet ebezingaphenduli omakhalekhukhwini.

Amapholisa athi inkampani le kucatshengelwa ukuthi yephule umthetho ovimba ubukhohlakali kwezemali oweMoney Laundering and Proceeds of Crime Act.

Facebook Forum

XS
SM
MD
LG