amalinks wokungena

Breaking News

Abathengisa eGodini Kabakwazi Okuzabehlela


Abathengisa labatshayela izimota eziya Egodini kabakwazi ukuthi bazahanjiswa ngaphi yikhansili yakoBulawayo. (File Photo)
Izakhamizi zakoBulawayo ezithengisa okutshiyeneyo eGodini lapho okugadwa khona amakombi aya emalokitshini amanengi zithi kazikanikwa indawo entsha lapho ezizathengisela khona loba nje kumele zisuke eGodini kunsukwana ezilandelayo.

Zithi kumele zisuke eGodini ngoLwesibili kuviki ezayo njengalokho okufiswa yikhansili yakoBulawayo.

Indawo le ikhangelelwe ukuthi izaba lezitolo ezinengi zokuthengisa okutshiyeneyo njalo lendawo yezimota ezithwala uzulu esiya emalokitshini atshiyeneyo kanye leGoli.

Inkampani yeSouth Africa iTearracota ikhangelelwe ukuthi izakwakha lindawo kusukela mhlaka 12 ngoZibandlela.

Kodwa-ke abathengisa kulindawo okwamanje bathi akukabilamalungiselelo akhanyayo atshengisa ukuthi bazathutha kulindawo.

Sixoxe ngaloludaba loNkosikazi Loveness Ndlovu olesihlobo esithengisa eGodini othi akwaziwa ukuthi abathengisa kulindawo bazakuya ngaphi.

Siphinde saxoxa njalo loMnu. Amen Mpofu owayengumsekeli kamayor kukhansili yedolobho lakobulawayo eyaphendle isakhiwo lesi okumele senziwe eGodini.
XS
SM
MD
LG