amalinks wokungena

Breaking News

'Abantu Sebekhathele Ngokhetho eZimbabwe'


FILE: Amalunga ekhomishini yeZimbabwe Electoral Commission abala amavoti.

Ihlanganiso ebona ngezokhetho eyeZimbabwe Election Support Network (zesn) ithi kumele amabandla ezombusazwe akhuthaze abalandeli bawo ukuthi bevote njalo bengalwi ngesikhathi sokhetho.

Inhlanganiso le ithi ikhathazwa ngokwenzakale eKadoma Central lapho okwenziwe khona ukhetho lwe bye-election ngoMgibelo lokudinga ukhansila kaWard 2.

IZESN ithi udlakela oluqhamuke kukhetho lolu luveza ukuthi abantu kumela bafundiswe ngezokhetho njalo lokuvota.

UNkosikazi Svorai Chiwara womanyano weMovement for Democratic Change Alliance nguye onqobe kukhetho lolu lapho athole amavoti phose afika amakhulu ayisitshiyangalombili – 782. Obencintisana laye ekubandla leZanu PF, uMnu. Lloyd Nyasha Nyambo, uthole amavoti afika phose amakhulu amane – 381.

Indawo le yayingaphansi kuka Mnu. Michael gore, umka Nkosikazi Vhiwara. Ingcwethi kwezombusazwe zithi akumangalisi ukuthi kuvote abantu abalutshwana nxa kuqathaniswa lanyakenye kukhetho olufanayo.

Eyinye yezingcwethi lezi, uMnu. Charles Nyoni, uthi lokhu kwenziwa yikuthi abantu kabasathembi ezokhetho eZimbabwe.

Ingxoxo Esiyenze LoMnu. Charles Nyoni
please wait

No media source currently available

0:00 0:01:54 0:00

Kusenjalo, kulabantu abathi bamangaliswe yikubona uMnu. Nelson chamisa lomnu. Sibusiso Moyo, umphathintambo obona ngokudlelana lamanye amazwe bekhulumisana besesigodlweni seBhilithani eHarare.

Umfanekiso wababili laba usugcwele indawo ezinengi ebulenjini bokuxhumana kulabanye abathi uChamisa bekungamelanga akhulumisane loMoyo edilini leli.

Bathi akwenzileyo kuyafana lokuthengisa ibandla leMDC elithi lahluthulelwa impumela yokhetho nyakenye nguMongameli Emmerson Mnangagwa labanye bakhe.

UDokotela Nkululeko Sibanda, isikhulumeli sikachamisa, athi akulakuthengisa okwenziwe nguChamisa emhlanganweni lo ngoba laye wayenxuswe njangalabo ahlangana labo esigodlweni seBhilithani.

Uthi uChamisa uzakwethulela uzulu umbiko oqotho nxa engakhulumisana lamanye amabandla ezombusazwe ngokubuswe kwelizwe leZimbabwe.

Ingxoxo Esiyenze LoDokotela Nkluleko Sibanda
please wait

No media source currently available

0:00 0:01:26 0:00

Facebook Forum

XS
SM
MD
LG