amalinks wokungena

Breaking News

Amanye Amabandla Aphikisayo Athakazelela Impumela Yokhetho koBulawayo


Amapholisa koBulawayo ...

Annastacia Ndlovu

UBulawayo uvote ngokuthula NgoMvulo njalo abanye abantu kukhanya bemukele impumela yokhetho laloba kukekwaba lemibiko yokuthi amalunga aweMDC-T abesefuna ukutshengisela esukela amahofisini abo akoBulawayo kodwa amapholisa aphanga abavimbela phakathi.

AbeZimbabwe Electoral Commission (ZEC) labo sebeqalile ukuhlela impumela yokhetho yakoBulawayo yokudinga umongameli anduba bayithumele esigodlweni eHarare.

Inengi labantu koBulawayo beselibuyele emsebenzini wensukwini ngoLwesithathu ngemva kokuvota ngoMvulo lamukela impumela yokhetho kulandela ukunqoba kwabaku manyano weMDC Alliance othethe zonke iziqinti zedolobho kanye lezigaba ezilitshumi lanye kuthi ibandla leZANU-PF lathola isihlalo seBulawayo South.

Isiphathamandla seZEC koBulawayo, uMnu. Innocent Ncube, uthi ukhetho luqhutshwe kahle sebeqalile ukuhlela impumela yokhetho lukamongameli.

“Sesiseduze lokuqeda kodwa sisabhalisisa impumela kamongameli esesiyithumele esigodlweni sesilinde ukuqeda esikwenzayo sithi sesithumela amabhokisi evoti.”

UNcube uqhubeke esithi impumela yokhetho lokudinga umongameli izakwethulwa ngemva kwamalanga amahlanu kwenziwe ukhetho.

“Amavoti kamongameli likhangelele ukuwathola ngemva kwamalanga amahlanu ngemva kokhetho.”

Isakhamuzi sakoBulawayo, uMnu. Nkululeko Nyoni, uthi ibandla leZANU PF linqobe kuhle njalo bekulokuthula.

“Sivote kuhle ngokuthula ibandla leZANU-PF linqobe kuhle siyajabula.”

Umgcinisihlalo webandla leMDC-T koBulawayo, uMnu Gift Banda, onqobe kukhetho emele umanyano oweMDC Alliance ekudingeni ozamela iNjube- Lobengula edale lephalamende, uthe bayayijabulela impumela yokhetho ngoLwesithathu.

“Sivote kahle esesikulindele yimpumela yokhetho kamongameli kodwa uBulawayo uvote kuhle njalo lami nginqobile.”

Kumpumela yokhetho esithe yamenyezelwa ibandla leZANU-PF lithole izihlalo zedale lephalamende esezedlula isilinganiso sokubili kokuthathu 2/3. Uzulu uselinde impumela kamongameli ngamehlo abomvu.

Facebook Forum

XS
SM
MD
LG