amalinks wokungena

Breaking News

Idale Lephalamende Lethula Umthetho Wezokhetho


Parliament of Zimbabwe
Idale lephalamende kubikwa selethule umthetho wokuvota owe Electoral Amendment Bill oke wamiswa amanye amalunga edale ekhonona ngokuthi ubumumethe okunengi okuzakwenza uzulu engavoti ngemfanelo.

Idale leli libikwa selizahambisa iBill le kuMongameli Robert Mugabe ukuze asayine ube ngumthetho ogcweleyo.

Amabandla aphikisayo athi okwenziwe lidale leli kuyamangalisa njengoba okunengi okumumethwe yiBill le kungahambelani lesisekelo esitsha sombuso welizwe.

Umthetho lo uzakwenza izizalwane ze Zimbabwe ezihlala emazweni ezingasizo ziphathamandla zikahulumande zingavoti njalo lokuthi kusetshenziswe isitikinyana ngesikhathi sokuvota.

Izitikinyana lezi yizo ezibikwa zayenza ukuthi ibandla le MDC-T linqotshwe kukhetho lwanyakenye.

Lithi abalandeli bebandla le Zanu PF basebenzisa izitikitana lezi okwedlulisa amalawulo. Kukhanya njalo kuzakubanzima ukuthi amabandla aphikisana le Zanu PF athole ugwalo lokuvota olwe voters’ roll nxa umthetho lo ungaqalisa ukusebenza.

Sixoxe loMnu. Abednico Bhebhe obona ngenhlelo ezebandla le MDC-T ekhokhelwa nguMnu. Morgan Tsvangirai ngeElectoral Amendment Bill eyethulwe lidale lephalamande.

Siphinde saxoxa loMnu. Joram Gumbo webandla le Zanu PF othi iBill le sokumele yenziwe ukuthi ibengumthetho ogcweleyo nguMongameli Mugabe.

Uthe akula okutshaya amanzi amnyama ngalokhu okwenzakale edale lephalamende.
XS
SM
MD
LG