IZEC Ihlangana Lamabandla Ezombusazwe Phezu Kwenguquko Kwezokhetho

Ikomishini ebona ngokuqhutshwa kokhetho ngoMvulo ihlangane lamabandla amathathu alamalunga edale lephalamende phezu kwenguquko emele yenziwe phambilini kokhetho lomnyaka ozayo.

Amabandla ahlangana leziphathamandla zeZEC la abalisa eleZanu PF, eleMDC-T leMDC ekhokhelwa nguMnu. Welshman Ncube njalo umhlangano lo, oqhutshwelwa koBulawayo uphela ngoLwesibili.

Okukhulunywa emhlanganweni lo kugoqela ingxaki ezihlangana lozulu ozama ukubhalisa kuluhlu lwabantu abazavota kukhetho oluzzayo.

Abakhulume leStudio 7 baveze ukuthi iZEC lokhe ithatha isikhathi eside ukubhalisa umuntu munye kanti njalo bakhona abehluleka ukubhalisa ngezizatho ezitshiyeneyo.

Isikhulumeli seMDC-T, uNkosazana Thabitha Khumalo, uveze ukuthi abantu abanengi koBulawayo baqhubeka besehluleka ukubhalisa, okuyinto athi kumele ilungiswe ngokuphangisa.

"Kunengi okungahambi kuhle okumele kulungisiswe; yikho nje sikhulumisana leziphathamandla zeZEC lamanye amabandla," kutsho uNkosazana Khumalo.

Ingxoxo loNkosazana Thabitha Khumalo

Embed code

Copy and paste the embed code below.

The code has been copied to your clipboard.

https://www.voandebele.com/a/4043792.html

0:02:37

▶

0:00:00 /0:02:37

▶

Lapho esitholakala khona

• 32 kbps | MP3
• 48 kbps | MP3
• 16 kbps | MP3

Ukudlala