IZimbabwe Electoral Commission (ZEC) isidinga amankampani angayithengela okutshiyeneyo kokusebenzisa kukhetho oluzayo.
IZEC idinga amatende, izambuzi ezifakwa lapha lalaphaya lokunye okumbalwa. Yethule umbiko lo kumaphephandaba isithi abafisa ukusebenza layo kumele bathumezele eHarare incwadi ezimumethe intengo lokunye okufanayo.
Kodwa-ke kayidingi inkampani engadinda amaphepha okuvota ama ballot papers njengalokho okufisa ngamabandla atshiyeneyo.
Ukuze sizwe okunengi ngodaba lolu, sixoxe loMnu. Mbuso Siso, omele ibandla le MDC ekhokhelwa nguMnu. Welshman Ncube, othi akumelanga kunikwe umsebenzi lo izihlobo labangane.
Lokhu kugcizelelwe nguMnu. Michael Ndiweni, ingcwethi ezimele yodwa, othi okuzima yikuthi iZEC ilelungelo lokudinga inkampani engadinda amaphepha okuvota ingakhulumisananga lamabandla ezombusazwe.
Kasenelisanga ukuxoxa ngodaba lolu leziphathamandla zeZimbabwe Electoral Commission.