amalinks wokungena

Breaking News

IZEC Ivimba IMthwakazi Republic Party Ukuthi Ingasebenzisi Uphawu Lwendlovu Kukhetho Oluzayo


UMnu. Mqondisi Moyo

Ibandla eliphikisayo eleMthwakazi Republic Party (MRP) lithi laliswe yikhomishini yeZimbabwe Electoral Commission ukuthi lisebenzise uphawu lwendlovu ngesikhathi sokhetho.

UMnu. Njabulo Ngwenya webandla leli uthi lokhu babona kulinyathelo likahulumende webandla leZANU PF lokuzama ukuphambanisa umkhankaso wabo owaqala ngomnyaka odluleyo.

“Bakithi ilogo yethu kumele siyitshintshe. Siyitshintshile siyitshitshiswa yiZEC ngoba isithi uphawu lolu esilusebenzisayo alukho emthethweni. Kunjalo nje iZEC yehlulekile ukuthi isitshengise umthetho ochaza khona lokho ngakho siyabona ukuthi yikuganga kukahulumende kaMnangagwa.”

Iyalile iZEC ukuthi iMthwakazi Republic Party isebenziswe uphawu lolu.
Iyalile iZEC ukuthi iMthwakazi Republic Party isebenziswe uphawu lolu.

Umongameli weMRP, uMnu. Mqondisi Moyo, uthi iZEC ibazise ngalokhu kumaviki amabili adluleyo.

“IZEC isazise ngokuthi asivunyelwa ukusebenzisa indlovu njenge symbol yethu kumaviki amabili adlulileyo. Kuthe sesihamba sisiyabuza ngokunye bafika basitshela ukuthi isymbol ye elephant ayivunyelwa laloba bengasiphanga istatutory instrument esiveza lokho.”

UMoyo uthi bathe bezama ukusa udaba lolu emthethwandaba baziswa ukuthi luzathatha isikhathi eside lusemthethwandaba.

“Sithe sisithi siyihambise emthethwandaba lindaba basitshela ukuthi kuzasithathela isikhathi ngoba iprocess kumele siyenze sisiyaqalela eharare.”

UMnu. Mxolisi Mhlanga, olandela ibanda leMRP, uthi ulokudana okukhulu ngokuvinjwa kwebandla labo ukusebenzisa uphawu lolu.

Ibandla leli selizasebenzisa uphawu lolu ...
Ibandla leli selizasebenzisa uphawu lolu ...

“Sihle sananzelela ukuthi uhulumende lo unanzelele ukuthi ilogo yethu ilesignificance kakhulu njalo ihambelana labantu abalandela ibandla leli ngakho bazama ukuthi basivimbe kulokhu esikwenzayo.”

UDistrict Elections Officer we ZEC, uNkosikazi Sithembiso Khuphe, uthi kulempawu ezingavunyelwayo njalo amabandla azakwaziswa ngakho nxa ethatha amaphepha eNomination Court.

NgoLwesibili iZEC izahlangana lamabandla ezombusazwe lapho ezachaza kabanzi izinto okumele ziqondiswe ngamabandla phambilini kokhetho.

IMthwakazi Republic Party Yaliswa Ukuthi Isebenzise Uphawu Lwendlovu Kukhetho Oluzayo
please wait

No media source currently available

0:00 0:03:31 0:00

Facebook Forum

XS
SM
MD
LG