amalinks wokungena

UMugabe Lomkakhe Basungula Uhlelo Lokubhalisa Ukuvota Kuhlelo Lwe BVR

  • Gibbs Dube
  • Chris Gande

UMongameli Robert Mugabe ubhalisa ukuvota kugwalo olutsha lwe voters' roll.

UMongameli Robert Mugabe lomkakhe, uGrace, babhalise kugwalo lokuvota olutsha ngaphansi kohlelo olusebenzisa imitshina yeBiometric Voter Registration (BVR) kits esanda kuthengwa yinkampani yakwele China.

Ababili laba babhalise eHarare kuhelo lolu oluqhutshwa yikhomishini yeZimbabwe Electoral Commission (ZEC) ekhokhelwa nguJustice Rita Makarau.

Unkosikazi Grace Mugabe ubhalisa ukuvota.
Unkosikazi Grace Mugabe ubhalisa ukuvota.

Ababhalise uMugabe lomkakhe kugwalo lolu baqale bahlolisisa ingwalo zabo eziveza ukuthi bayizizalwane zeZimbabwe basebesebenzisa izandla zabo ukuba bathathe isimo somzimba kusetshenziswa imitshina yeBVR.

UMugabe usanda kwenza isinqumo sokuthi ukubhalisa ukuvota kugwalo olutsha kumele kuqalise lamuhla luphele mhlaka 15 ngoZibandlela ngomnyaka ozayo.

Abachothoza uhlelo lolu bathi ilizwe kalikatholi ama BVR kits ayeneleyo ngakho-ke eleZimbabwe lizehluleka ukubhalisa bonke abantu abafuna ukuvota kukhetho oluqakathekileyo oluzakwenziwa ngomnyaka ozayo.

Bathi okumangalisayo yikuthi iZEC ilemitshina engamakhulu amane kuphela kulokuthi ibelemitshina yokubhalisa ukuvota efika inkulungwane ezintathu lamakhulu amabili – 3,200.

Kunjalo nje, lanxa uhulumende eseqale uhlelo lokubhalisa abalelungelo lokuvota olusebenzisa ubungcwethi balezinsuku, oluthiwa yi Biometric Voter Registration kulokungacaci kwemniningwane ephathelane laloluhlelo.

Luthe lumemezelwa ngumongameli Mugabe loluhlelo uthe luzaqala namhla lukhawule ziku 15 ngoZibandlela kodwa imitshina yokuqhuba lumsenzi ingeneli ngoba sokufike engamakhulu amane kuphela khona kufunakala imitshina eyinkulungwane ezintathu.

Lokhu kutshiye abanye besiyazama ukubhalisa amagama abo kodwa batshelwe ukuthi loluhlelo alukawali ngoba imitshina ingakafiki.

Ekupheleni kwaluluhlelo yikho okuzazakala ukuthi ilanga lokhetho lizakuba nini. Ukuhlaziya loludaba sixoxe lengcwethi ecubungula ezombusazwe, uMnu. Rejoice Ngwenya endawonye lokhomishina wogatsha lwezokhetho, olwe Zimbabwe Election Commission, uMnu. Qhubani Moyo onguye osungula lingxoxo.

Facebook Forum

XS
SM
MD
LG