amalinks wokungena

ZEC: Sesigqiba Ihlandla Lakuqala Bebalutshwana Ababhalisileyo

  • Ntungamili Nkomo

Ihlandla lakuqala lokubhalisa abantu abazavota kukhetho luka2018 liphela ngoLwesithathu bebalutshwana kakhulu asebebhalisile.

Abamabandla ezombusazwe labenhlanganiso ezizimeleyo bathi bakhathazekile kakhulu ngalokhu.

Embikweni ewethule ngoMvulo ikhomishini ebona ngezokhetho, iZimbabwe Electoral Commission (ZEC) ithe inani labantu asebebhalisile lifika phose kusigidi esisodwa, i-972,000.

Ekupheleni kwehlandla lakuqala leli iZEC ithi izaqala ihlandla lesibili lapho ezasuka endaweni ebikizo isisiya kwezinye izigaba.

Umgcinisihlalo walikomishini uNkosikazi Rita Makarau utshele iStudio 7 ukuthi lanxa inani labantu ababhalisayo beliphansi, likhanya selisiba nganeno.

UNkosikazi Makarau wengeze wathi bakhangelele njalo ukuthi inani leli liqhubeke likhwela kumahlandla amathathu alandelayo.

Umqondisi weAbammeli, uMnu. Tineyi Mukwewa, uthi inhlanganiso yakhe ikhathazekile kakhulu ngenani eliphansi labantu ababhalise koBulawayo.

Facebook Forum

XS
SM
MD
LG