amalinks wokungena

Breaking News

Zimbabwe Electoral Commission: Ukhetho LwamaBy-Elections Lwenziwa ngoMabasa 2022


Zimbabwe Electoral Commission
Zimbabwe Electoral Commission

Uzulu wamukela ngenjabulo isinqumo esithethwe yikhomishini ebona ngezokhetho eye Zimbabwe Electoral Commission, esokuhlela amalanga okuvota ngemva kokuxotshwa kwamalunga awebandla eliphikisakisayo eleMDC Alliance edale lephalamende. Ukhetho lwamiswa ngemva kokuqhamuka komkhuhlane weCOVID 19 nyakenye.

Umbiko owethulwe ngabeZEC wokuthi ukhetho lolu lukhangelelwe ukuqhutshwa ngoMabasa womnyaka ozayo, wamukelwe, ngemibono etshiyeneyo.

Umnunzana Ambrose Sibindi umgcinisihlalo weBulawayo Progressive Residents Association ngomunye wabamukele ngenjabulo leli nyathelo.

“Kuyathokozisa ukuzwa iZEC isithi ama By election abekhona ngo April 2022. Sinanzelela ukuthi silama Ward lama Constituencies angasela banikazi. Nga kuya ngezifiso zezakhamuzi ngabe ama dates lawa ayaphangisiswa ukwela ukuthi abantu bathole ukumelwa.Nxa abameli bengekho i development iyehla, I service delivery iyehla futhi so siyathaba nxa kusiba lama By election.

Unkosikazi Ruth Tshabangu umhlali wakoBulawayo uthi sebengcindezelwe ngoba bengela ababamelayo ezabelweni zabo.

“Indaba yama By Elections leyi asazi ukuthi kungani ilokhe ifakwa khatshana le, ngoba uApril ozayo ukhatshana kakhulu. Sike sananzelela amanye amazwe esiba lokhetho ngesikhathi se Covid19. Sithemba ukuthi amalanga lawa afakiweyo awasoke adluliselwe phambili ngoba 2 years singela bantu abasimeleyo ngibona engani sincindezelwe.”

Okhokhela ibandla leMthwakazi Republic Party umnumzana Mqondisi Moyo ukhonona ngendlela iZimbabwe Electoral Commission eziphatha ngayo.

“Siyayizwa iproposal yeZEC for ama By- elections. Uhlupho ngeZEC yikuthi aso independent organization njengalokhu abantu abakucabangelayo. lZEC ilandela ibandla le Zanu PF, so i sikhathi esinengi okukhulunywa yi ZEC akuveli kubo. Uzathola ukuthi langaphandle kokuthi isisekelo sombuso singabe sisithini ngokubanjwa kwama ny elections iZEC ayikulandeli konke lokhu.

Umkhokheli webandla leMDC-T umnumzana Douglas Mwonzora uthi kungakaze kuqhutshwe ukhetho kufanele kube lenguquko okuqhutshwa ngayo ukhetho.

“Ibandla le MDC lilungele ukungena kukhetho loba yisiphi isikhathi. Ukuqhutshwa kokhetho akumiswanga yithi kodwa nguhulumende. Thina silungele ukuba sinqobe kukhetho. Kodwa sikhangelele ukuthi kungakaze kuqhutshwe ukhetho kube lenguquko kundlela oluqhutshwa ngalo njalo sibona engani inyanga eziyisithupha ziyenela ukuba konke lokhu kube sekwenziwe.”

Unkosikazi Patience Sibanda owe nhlanganiso eye Zimbabwe Democracy Institute uthi ukudluliselwa kokhetho kumnyaka ozayo kukhomba ukungahloniphi isisekelo sombuso.

“Ukuqhubeka kokuvala kwama By Elections kuveza ukunyathela amalungelo abantu baseZimbabwe njalo kuveza ukuthi uhulumende kahloniphi isisekelo sombuso esithi sona abantu kumele bekhethe ababakhokhelayo. Abakhokheli labo kumele bekhethwe ngabantu lokhu kuyasivezela ukuthi iZanu Pf iyayenza amarally abantu bebuthane. Ama By election awasoze ayenze abantu bebuthane uHulumende uvika ngeCorona.”

Ngomnyaka ka2020 umgcinisihlalo weZimbabwe Electoral Commission unkosikazi Priscilla Chigumba wamisa ukuqhutshwa kokhetho elizweni ngenxa yobhubhane lweCovid-19.

Amalunga edale lephalamende akhangelelwe ukuvotelwa ngomnyaka ozayo angamatshumi amabili lasitshiyagalombili (28) kuthi abemakhansilini balikhulu lanhlanu (105). IZimbabwe Electoral Commission ihlele ukuba inyanga yonke kaLwezi ibe ilungisa imfundiso yokhetho.

Ukhetho lukhangelelwe ukuba lwenziwe phakathi kwamalanga angamatshumi ayisitshiyagalolunye (90), nxa umeli wesabelo engekho ngezizatho ezehlukeneyo.

XS
SM
MD
LG