amalinks wokungena

Breaking News

Amapholisa Avota Kukhetho Lwama Postal Votes Oluphikwa yiZEC


Indawo lapho obekuvotelwa khona ...

Amapholisa eZimbabwe aqalise ukuvota ngoLwesine kukhetho lokuthumeza amavoti olwe postal voting.

Lokhu kuvuse umsindo omangalisayo koBulawayo lapho abomanyano weMDC Alliance abazonde began’unwabu abangena enkambeni yamapholisa eRose Camp bavimba ukhetho lolu.

Ikhomishini yeZimbabwe Electoral Commission (ZEC) ithe kayazilutho ngokhetho lolu oluqhutshwe kungabikelwanga abantu abancintisa kukhetho labakhangele ukuthi luqhutshwa njani – ama election observers.

Abanye abantu ababone isiga lesi ...
Abanye abantu ababone isiga lesi ...

UMnu. Etoile Silaigwana, obambe isikhundla somqondisi weZEC, uthe akulakhetho olwenziwe koBulawayo lobanje amapholisa etholwe ngabancintisayo bevota eRose Camp.

Uthe abantu abathumeza imifanekiso eveza obekusenzakala enkambeni le baqamba amanga ngoba iZEC lokhe idinda amaphepha okuvota.

Kodwa-ke uSenior Assistant Commissioner Charity Charamba utshele iStudio 7 ukuthi amapholisa abevota ngoba abanye babo bazabe besebenza endaweni ezikhatshana lalapho abahlala khona ngesikhathi sokhetho.

Isiphathamandla zeMDC Alliance uNkosikazi Dorcas Sibanda, yena ohambe lezinye iziphathamandla zalumanyano eRose Camp, uthe ngempela bazibonele ngawabo amapholisa etshelwa ukuthi avotele iZanu PF.

Facebook Forum

XS
SM
MD
LG