amalinks wokungena

Breaking News

Chamisa: Sizancintisa Kukhetho Oluzayo Lobanje iZEC Isithwalise Nzima


UMnu. Nelson Chamisa umkhokheli womanyano weMDC Alliance.

Abomanyano wamabandla aphikisayo owe Movement for Democratic (MDC) Alliance ngoLwesithathu bavumelane ukuthi bazancintisa kukhetho loba besithi ukhetho lwalonyaka kalulungiselelwa ngemfanelo yikhomishini yeZimbabwe Electoral Commission (ZEC).

Lokhu kuphume emhlanganweni owenzelwe esigodlweni sebandla leMDC-T ekhokhelwa nguMnu. Nelson Chamisa eHarare lapho inkokheli yamabandla wonke akuMDC Alliance avumelane ukuqhubeka encintisa kukhetho lwalonyaka.

Ekhuluma lentathelizindaba ngemva kwalowo mhlangano, umkhokheli weMDC Alliance, uMnu. Nelson Chamisa, uthe sebecabange ukuncintisa kukhetho lanxa iZEC yehlulekile ukulungiselela ukhetho olukhululekileyo.

“Kusegcekeni ukuthi iZEC ayithembekanga, iZEC ngunompembe oselahlele khatshana impembe wakhetha ukubambana leqembu lika E.D (Emmerson Mnangagwa) okuyikho okwenza uMnangagwa angakhalazi ngamalungiselelo eZEC ngenxa yokuthi unompembe lo usedlalela iqembu lakhe.

“Ngalokho thina sesivumelene ukuthi sibehlule bobabili, iZEC lo Mnangagwa ngokubuya ngobunengi bethu sibancitshe ithuba lobuqili. Lokhu kutshoni? Lokhu kutsho ukuthi ngoMvulo mhlaka 30 Ntulikazi nguzibuse wesibili welizwe. Sizakuya votela inguquko ngobunengi bethu ngakho-ke maZimbabwe asinqobe lobubuqili ngokuvota ngobunengi bethu.”

Osakhulayo uPatience Ngungu uveze ukuphatheka kubi ngales’inqumo sokuqhubeka ngokhetho nxa iZEC ingunompembe oncedisa elinye ibandla elincintisayo.

Inkokheli yeMDC Alliance ithi lumanyano usulungiselele indlela ezinengi zokuveza ubuqili obuzasetshenziswa yiZanu PF ngakho ke lizenelisa ukuthi lobu buqili bungaphambanisi impumela yokhetho.

Udaba Esilethulelwe NguGibson Bhebhe
please wait

No media source currently available

0:00 0:03:13 0:00

Facebook Forum

XS
SM
MD
LG