amalinks wokungena

Breaking News

Uzulu Usekhala Ngohlelo Lwama Prepaid ZESA Meters

  • Gibbs Dube

Zimbabwe Electricity Supply Authority
Izakhamizi zakoBulawayo le Harare zikhala ngokuthi kazizwisisi indlela iZimbabwe Electricitt Supply Authority (ZESA) ebhadalisa ngayo uzulu kuhlelo lwama pre-paid meters.

Zithi sezicabangela ukuthi iZESA ibambela uzulu imali etshiyeneyo isenzela ukubhadala isikwelede sayo esedlula izigidi ezingamakhulu amahlanu amadollar eMelika - $500 million.

Zitshele iStudio 7 ukuthi kazisenelisi lokupheka ukudla kwendulo okuhlabusayo okunjenge nkobe, amangqina lokunye okutshiyeneyo okusebenzisa umlilo kagetsi omnengi ngenxa yokwesaba ukuthi zizaphelelwe yimali ekuma pre-paid meters.

Umnu. Ambrose Sibindi okuhlanganiso yezakhamizi iBulawayo Progressive Residents’ Association uthi okwamanje sezithole imbiko eminengi evela kuzulu okhonona ngendlela uhlelo lwama pre-paid meters oluqhutshwa ngayo.
please wait

No media source currently available

0:00 0:02:45 0:00
Lapho esitholakala khona

Umnu. Peter Moyo ongukhansila edolobheni le Harare uthi abantu bathwele nzima ngokubhadala imali engaqedakaliyo yama pre-paid meters.
please wait

No media source currently available

0:00 0:02:31 0:00
Lapho esitholakala khona

Umnu. Elton Mangoma umphathintambo wezemlilo etshiyeneyo uthi uhulumende usezwile ngezikhalazo zezakhamizi.

Uthi iZESA layo isiqalisile ukuhlolisisa uhlupho lwama prepaid meters elizweni lonke ukwenzela ukuthi uzulu abhadale imali efaneleyo.
Uhlelo lwama pre-paid meters lwethulwe nguhulumende nyakenye.

IZESA ithi abantu abasebenzisa ama prepaid meters babhadala 2 cents per unit kusilinganiso sakuqala sama kilowatts angamatshumi amahlanu – 50 kilowatts.

Labo abasebenzisa okwedlula lokhu babhadala 11 cents per unit kuzekuyefika kusilinganiso sama kilowatts angamakhulu amathathu – 300 kilowatts. Abedlulisa lapho bakhokha 15 cents per unit.
XS
SM
MD
LG