amalinks wokungena

Breaking News

'Umuyi uElijah Cummings Obekudale leCongress eMelika Ubeyindoda Emadodeni'


Rep. Elijah Cummings

UMnu. Elijah Cummings, omele iBaltimore kwele Melika lezinye indawo edale leHouse of Representatives, kasekho.

Umdeni wakhe uthi uCummings, obeleminyaka phose engamatshumi ayisikhombisa – 68 – ubhubhele esibhedlela seJohns Hopkins Hospital namuhla emadabukakusa. Akwaziwa ukuthi ubelewe yini.

UCummings, obekukhomithi ehlolisisa okwenzakala kuhulumende wakwele Melika lokubona okungaguqulwa ukuze uhulumende asebenze ngemfanelo eyeHouse Oversight and Reform Committee, okwamanje ubekhokhela abahlolisisa okwenziwa nguMongameli Donald Trump obikwa ukuthi wacela ilizwe leUkrainne ukuthi limcedise ekudingeni konke okubi okwenziwa nguMnu. Hunter Biden, umtaka Joe Biden, elizweni lelo esakhokhela inkampani ephehla umlilo kegetsi.

UTrump uthi uJoe Biden wavimba ukuthi kuhlolisiswe ukungethembeki okuthiwa kwenziwa ngumtanakhe kuleyo nkampani.

UJoe Biden ulakho ukuncintisana loTrump kukhetho oluzakwenziwa ngonyaka ozayo.

UCummings waziwa kakhulu ngokulwela ilungelo loluntu lokulwisana lenkethabetshabi. Ukewaphoselana aqatha loTrump owathi indawo ayimela edale leHouse of Representatives igcwele amagundwane okokuthi akulamuntu ofisa ukuhlala khona.

Umkakhe uNkosikazi Maya Rockeymoore Cummings, uthi umuyi ubhubhe elokhu elethemba lokuthi ilizwe leMelika kumele libe lohulumende obalulekileyo.

uMnu. Vumani Moyo, ingcwethi kwezombusazwe ezimele yodwa, uthi uCummings ubeyindoda emadodeni.

Ingxoxo Esiyenze LoMnu. Vumani Moyo
please wait

No media source currently available

0:00 0:02:02 0:00


Facebook Forum

XS
SM
MD
LG