amalinks wokungena

Breaking News

UMnangagwa Ukhetha uFrederick Shava Ukuba Engene Esikhundleni Sikamuyi uSibusiso Moyo


UMongameli Emmerson Mnangagwa, uMnu. Mthuli Ncube loMnu. Frederick Shava ngesikhathi bekhuluma labadabuka eZimbabwe abahlala kwele Melika.

UMongameli Emmerson Mnangagwa usekhethe uMnu. Frederick Shava, omele ilizwe leZimbabwe kuhlanganiso yeUnited Nations, ukuba ngumphathintambo wohlangothi olubona ngokudlelana lamanye amazwe, olwalubanjwe ngumuyi uSibusiso Moyo, obulewe ngumkhuhlane weCOVID-19.

Embikweni awethulele uzulu ngoMvulo, uMnangagwa uthe kukhangelelwe ukuba uShava uzaqala umsebenzi enganikwa isikhundla somele iMidlands edale leSenate.

UShava wake wathoniswa icala lokuthenga ethengisa izimota phansi kohlelo lukahulumende eWillovale Motor Industries. Watholakala elecala watshiya umsebenzi kodwa wakhethwa ngowayengumongameli umuyi uRobert Mugabe ukuba amele ilizwe leZimbabwe kunhlanganiso yeUnited Nations kwele Melika.

UMnangagwa ukhethe njalo uMnu. Tapiwa Mhona, omele iChikomba Central edale leHouse of Assembly, ukuba ngumphathintambo wohlangothi lwezokuthwala impahla lokunye. Ungene esikhundleni sika muyi uBiggie Matiza, owabulawa ngumkhuhlane weCOVID-19.

Uphinde wakhetha uMnu. Kindness Paradza ukuba ngumsekeli womphathintambo obona ngokwethulwa kwemibiko.

Facebook Forum

XS
SM
MD
LG