amalinks wokungena

Breaking News

Kuyaxokozela eZimbabwe Kulungiselelwa Izithunywa Zika Cyril Ramaphosa


Izithunywa zikaMongameli Cyril Ramaphosa lezibandla leAfrican National Congress zikhangelelwe ukuthi zizafika kwele Zimbabwe kunsukwana ezilandelayo ukuzehlolisisa okwenzakala elizweni.

Abanye bathi ukuxokoxela elizweni lokudutshulwa kwamasotsha amabili ngabantu ababulewe ngabezomvikela ngeSonto kungabe kubangelwa nguhulumende ofuna ukuvezela izithunywa lezi ubufakazi bokuthi abaphikisayo bafuna ukuhluthuna umbuso.

Kodwa abakubandla leZanu PF bayakuphika lokhu besithi amazwe entshonalanga lamabandla aphikisayo betshotshozela umvukela eZimbabwe.

URamaphosa wathuma uNkosikazi Baleka Mbete, uDokotela Sydney Mufamadi loMnu. Ngoako Ramatlhodi ukuzehlolisisa okwenzakala ezilweni.

Babuyela kwele South Africa bekhulumisane kuphela loMongameli Emmerson Mnangagwa lezinye iziphathamandla zikahulumende.

UMnangagwa uthi kahlukumeze abantu kwele Zimbabwe lobanje uhulumende wakhe wavimba ukutshengisela okwakumele kwenziwe nguzulu mhlaka 31 Ntulikazi.

Kwabotshwa abantu abedlula amatshumi ayisithupha okwathiwa batshotshozela abanye ukuba batshengisele emigwaqweni besola ubukhohlakali lokugugudeka komnotho.

Abanye ababotshwayo yintathelizindaba uHopewell Chon’ono, uMnu. Jacob Ngarivhume owebandla leTransform Zimbabwe, uMnu. Jacob Sikhala okumanyano weMDC Alliance labanye.

Kulamalunga ebandla leMDC okuthiwa athunjwa kwaba labanye njalo ababhubha ngendlela engaqondakaliyo.

UMnu. Belive Gaule, okudale leZanu PF Central Committee, uthi banengi abantu abaphikisayo abatshotshozela umvukela.

Kodwa-ke uMnu. Washington Jamela, okubandla leZapu, uyakuphikisa lokhu esithi uhulumende kaMnangagwa uziquthele.

Ingxoxo Esiyenze loSenior Assistant Commissioner Paul Nyathi
please wait

No media source currently available

0:00 0:01:40 0:00


Facebook Forum

XS
SM
MD
LG