amalinks wokungena

Breaking News

UMnangagwa Uthi Uzadlelana Kahle Lebandla leMDC-T Eselikhokhelwa NguMwonzora


Mongameli Emmerson Mnangangwa

UMongameli Emmerson Mnangagwa uthi uzimisele ukusebenzelana lebandla eliphikisayo eleMovement for Democratic Change eselikhokhelwa nguMnu. Douglas Mwonzora, osanda kukhetho ukuba ngumkhokheli omutsha webandla leli.

UMnangagwa, owethule umbiko wakhe oqakathekileyo owokuphetha umnyaka ka2020 lokukhangelelwe ngomnyaka ka2021 enkundleni yokuxhumana eyeFacebook lakumabonakude, utshayele uMwonzora ihlombe ngokunqoba uNkosazana Thokozani Khupe, uMnu. Elias Mudzuri loMnu. Morgen Komichi kukhetho lukamongameli webandla leMDC-T olwenziwe emhlanganweni oweExtraordinary Congress ngeSonto eHarare,

Uncome amazwi kaMwonzora okubeke sobala ukuthi uzabambisana lohulumende ukwenzela ukuthuthukisa ilizwe.

UMnangagwa uthe sesifikile isikhathi sokuthi ibandla leMDC-T litshiyane lokuvoxa konke okwenziwa nguhulumende.

Uthe usemelele ukubona ukuthi uMwonzora labanye bakhe bazakwenzani ukuze uhulumende wakhe aqale ukudlelana kahle lebandla leMDC-T.

UMwonzora uthethe isikhundla sikamuyi uMorgan Tsvangirai owabhubha ngomnyaka ka2018.

Idale elikhulu lelizwe eleSupreme Court lethula isinqumo sokuthi uMnu. Nelson Chamisa kayisuye okhokhela ibandla leMDC-T ngakho-ke kumele kwenziwe umhlangano oweExtraordinary Congress wokukhetha ozangena esikhundleni sika Tsvangirai.

Idale leli lathi uNkosazana Khupe nguye okwakumele abambe isikhundla lesi okwezikhatshana kuze kwenziwe umhlangano oweExtraordinary Congress.

Kodwa uMaKhupe uthe esebona enqotshwa nguMwonzora emhanganweni lo, wasuka ngesiphangiphangi wayabikela uzulu ukuthi usevimbe impumela yokhetho lukamongameli oweMDC-T. UPhinde wathi usexotshe uMwonzora emethesa icala lokuthi ucatshangelwa ukuthi weba imali enengi yebandla leli kulungiselelwa umhlangano lo.

Kodwa igqwetha lebandla leli, uSikhwicamfundo Lovemore Madhuku, wethule umbiko othi uMwonzora ukhethwe okusemthethweni.

Facebook Forum

XS
SM
MD
LG