amalinks wokungena

'Sifuna uMnangagwa Alungise Udaba Lokunika Izabelo Amandla Lombhuqazwe weGukurahundi'


Abantu bafuna ukuthi kulungiswe lodaba lombhuqazwe weGukurahundi.

Izizalwane zemhlubulweni weMatabeleleand sezivumelane imbono ezifisa ukuthi uMongameli Emmerson Mnangagwa ayiqondise ephathelane lalesi sigaba.

Lokhu kuvezwe emhlanganweni wabantu, othiwa yiPeople’s Convention owenzelwe koBulawayo eCity Hall ngoMqgibelo obuqoqwe zinhlanganiso ezizimeleyo ezingamatshumi amathathu lanhlanu zisebenza eMatabeleland.

UMnu. Qobo Mayisa, omunye wabaqoqe lumhlangano, utshele iVOA Studio 7 ukuthi impumela yomhlangano lo yikuthi abantu beMatabeleland bafuna kube lombuso wezabelo, iDevolution, okungabangela ukuthi ubandlululo lwabantu beMatabeleland luphele.

UMasiya ugcizelele esithi kumele udabalokuxolelana lokukhumisana umlotha lukhangelwe ukuze udaba lweGukurahundi luphele emlonyeni wabantu njalo kulungiswe ezomnotho amakampani avalwayo avulwe.

Abantu bafuna ukuthi izabelo zizibuse kwele Zimbabwe.
Abantu bafuna ukuthi izabelo zizibuse kwele Zimbabwe.

UMnu. Bekezela Maduma Fuzwayo, olwela amalungelo oluntu engowe Gwanda, uthe umhlangano lo wawuhlanganise amabandla lenhlanganiso ezizimeleyo njalo sekuzabhalwa iphepha elilembono yabantu bonke elizahanjiswa kuhulumende lenhlanganiso ezifana leSouthern African Union kanye le African Union.

Omunye wabantu abakade besemhlanganweni, uNkosikazi Thobekile Moyo oweMatabo, uthe ukhangelele ukuthi uhulumende omutsha alungisise kakhulu ezomnotho ukuze uzulu we Matabeleland athole imsebenzi.

Kumaviki amabili adluleyo kube lomunye umhlangano kazulu eHarare ofana lalo kodwa wona uhlaziye izifiso zikazulu welizwe jikelele afisa ukuthi uhulumende kaMnangagwa azikhangele. Izifiso lezi zihanjiswe ehofisini kaMongameli Mnangagwa kuviki edluleyo.

Facebook Forum

XS
SM
MD
LG