amalinks wokungena

Breaking News

UMnangagwa Ukhethwa Ukuba Amele Ibandla leZanu PF Kukhetho Oluzakwenziwa Ngomnyaka ka2023


UMongameli Emmerson Mnangagwa

UMongameli Emmerson Mnangagwa usekhethwe yizabelo zonke ukuba abenguye yedwa ozancintisa emele ibandla leZanu PF kukhetho lukamongameli oluzakwenziwa ngomnyaka ka2023.

Iphephandaba leHerald libika ukuba zonke izabelo zivumelane ukuba uMnangagwa angene kukhetho lolu ngoba uqhuba kahle umsebenzi. Ibandla leZanu PF lithi akula omunye umuntu ofise ukuncintisana loMnangagwa endaweni zonke zelizwe.

Lokhu kuvame ukwenziwa ngesikhathi kuungiselelwa umhlangano oweNational People’s Conference lapho okukhulunywa ngodaba lolu lokunye.

Umhlangano lo uzakwenziwa libandla leli ekupheleni kuka Mfumfu lonyaka. Kasenelisanga ukuxoxa ngodaba lolu loMnu. Obert Mpofu, obona ngokuqhutshwa kwenhlelo zonke kubandla leZanu PF, kanye loMnu. Patrick Chinamasa, ophethe okwesikhatshana uhlangothi olubona ngokwethulwa kwemibiko lolukhanga abantu ukuba bengene kubandla elibusayo.

UMnu. Elifasi Mashaba, okubandla leZanu PF, uthi kuqakathekile ukwenza lokhu ngesikhathi kulungiselelwa umhlangano weNational People’s Conference lokhetho oluzayo.

UDokotela Nkululeko Sibanda, isikhulumeli sikaMnu. Nelson Chamisa, okubandla leMDC Alliance, uthi uMnangagwa uzathwala nzima kukhetho oluzayo.

Obonga ngokwethulwa kwemibiko kubandla leMDC-T elikhokhelwa nguMnu. Douglas Mwonzora, uthi bona bakhangelele ukuba uMwonzora uzangena kukhetho lolu.

UMnangagwa wanqoba nzima kukhetho olwenziwa ngomnyaka ka2018, impumela yalo eyaphanyekwa emthethwanda nguChamisa labanye bakhe.

Umthethwandaba wathi uMnangagwa nguye owanqoba kukhetho lolu loba uChamisa elokhu etshaya ngenduku phansi esithi wamqoba kukhetho lukamongameli.

UMnangagwa Ukhethwa Ukuba Amele iZanu PF Kukhetho Oluzakwenziwa Ngomnyaka ka2023
please wait

No media source currently available

0:00 0:05:47 0:00


Facebook Forum

XS
SM
MD
LG