amalinks wokungena

Breaking News

Thokozani Khupe: Siyayamukela Impumela Yokhetho Olusanda Kwenziwa eZimbabwe


UNkosazana Thokozani Khupe loMnu. Obert Gutu.

UNkoszana Thokozani Khupe, umkhokheli welinye lamacele ebandla leMovement for Democratic Change (MDC-T) uthi uyamukela amazwi kaMongameli Emmerson Mnangagwa ukuba kumele kubunjwe amakhomishini azimeleyo azohlolisisa udlakela oluqhamuke ngemva kokhetho kwabulawa abantu abayisithupha.

Kodwa uthe amakhomishini la kumele abunjwe lidale lephalamende.

UNkosazana Khuphe wethule lokhu emhlanganweni lentathelizindaba e weteleni yeHoliday Inn ngemva komhlangano webandla lakhe wokubonisana ngokumele kwenziwe ngemva kokhetho. Uthe ibandla lakhe alusekeli udlakela olwenzakala eZimbabwe.

“Nxa silensolo silandele ama channels aqondileyo ukuthi siyekhuluma ukuthi siyekutsho ukuthi insolo esizibonayo yilezi lalezi lalezi. Ku unfortunate ukuthi okwenzakeleyo kuze kuhlaselwe abantu libutho.

“… Kuthiwa kule Khomishini esifakiwe, sifuna ikhomishini icubungule udaba lolu, ilulungise ukwenzela ukuthi kungaphindi kwenzakale futhi.”

Inkokheli yebandla leMDC-T elikhokhelwa nguNkosazana Thokozani Khupe.
Inkokheli yebandla leMDC-T elikhokhelwa nguNkosazana Thokozani Khupe.

UMaKhuphe uthe njengoba ukhetho seluphelile ufisa ukuba ngabe uMnangagwa uqoqa umhlangano lawo wonke amabandla ezombusazwe aphatheke kukhetho, ukuze bakhulumisane ngentuthuko yelizwe.

Omunye wabathole isikhundla sokumela uzulu edale le phalamende, uNkosikazi Priscilla Misihayirambwi Mushonga, uthe usezoqhubekisela phambili ezinye zezikhalazo ayethe wazethula edale eledlule.

“Okukhulu into yami engihlezi ngikhuluma ngayo, isanitary wear, kumele sibuyele futhi siyekhuluma ngayo, akusebenzi ukuthi singathi silohulumende omutsha, abantwana bethu bengenelisi ukuya esikolo ngoba abala saniatary wear. Secondly, kumele sikhangele into le eye quarter system, bekumele iphele ngo2018 kodwa upresident wayevele evumelane lathi siqalisa ukwenza into zethu zokukhuluma njengabomama, wathi into leyi uzayi extenda, uzavumelana lathi ukuthi ku extendwe. Yiyona nto yakuqala leyo engizokwenza ukuthi umthetho uguqulwe,iqhubekiselwe phambili leyo ndaba ye quarter.”

Zimbabwe Elections
Zimbabwe Elections

Uthi uzophakamisa njalo udaba lokutholiswa kwabesifazane amathuba wokungena kwezombusazwe hatshi ngokukhethwa yinkokheli yesilisa emabandleni kodwa bekhethwa ngabenye babo.

Abe MDC-T ekhokhelwa nguMaKhuphe bathi leli lithuba alitholisiweyo uMnangagwa ukumanyanisa ilizwe ukuze lisebenze ndawonye ukuthuthukisa umnotho lesimo kungakhangelanwa ngemihlobo kumbe indawo.

Abezombusazwe kanye laye uzulu uyakhuthazwa ukuba asebenze ndawonye ukuqhubekisela ilizwe phambili hatshi ukube lokhe kudonselanwa.

Udaba Esilethulelwe NguMavis Gama
please wait

No media source currently available

0:00 0:03:48 0:00

Facebook Forum

XS
SM
MD
LG