amalinks wokungena

Breaking News

'Abakudale leCabinet kaMnangagwa Kabasoze Benzele Lutho Uzulu eMatabeleland'


UMongameli Emmerson Mnangagwa

Kulabanye abantu abathi abaphathintambo bakahulumende abadabuka eMatabeleland abasanda kukhetho nguMongameli Emmerson Mnangagwa kabasoze bathuthukisa impilo kazulu.

UMnangagwa usanda kunconywa ngabanye abantu ngokukhetha amalunga edale leCabinet amatsha. Kodwa-ke kulabantu abahlala koBulawayo abathi abakhethiweyo laba abagoqela uMnu. Cain Ginyilitsha Mathema, uNkosikazi Sithembiso Nyoni labanye babo, kabasoze bathuthukise umnotho kazulu.

UMathema ngumphathintambo wendaba zekhaya kuthi-ke uNkosikazi Nyoni uphethe uhlangothi olubona ngezabesifazana lamabhizimusi amancane lasathuthukayo.

Omunye walabo abachothoza abaphathintambo laba nguMnu. Matthew Nxumalo othi uNkosikazi Nyoni kumele aphume lamacebo angcono okuthuthukisa uzulu kulalokhu ahlala ekwenze okokukhuthaza abantu ukuthi beluke amacansi njalo bethunge lengcebethu.

Uthi akulalutho njalo oluzakwenziwa nguMathema owake waba ngumphathintambo wezabelo eMatabeleland.

“Laba abayabe bekhethwe besuka eMaNdebeleni abasebenzeli ekhaya. Singakhangela uSithembiso Nyoni bakhuthaza abantu ukuthi benze izinto ezincane ezifana lengcebethu. UMathema laye akula ntuthuko ebalulekileyo ayilethayo eMatabeleland.”

Uzulu weZimbabwe jikelele uveze imibono etshiyeneyo mayelana leCabinet ekhethwe nguMnangagwa, ikakhulu enkundleni zokuzilibazisa ezeTwitter leFacebook.

Omunye walabo ababhale kulinkundla nguMnu. Gorden Moyo, oncome kakhulu ukukhethwa kuka Mnu. Mthuli Ncube, esithi yiyo yodwa into enhle eyenzakale elizweni leZimbabwe esikhathini eside esedlulayo.

Omunye njalo nguMnu. David Coltart othakazelele ukukhethwa kuka Ncube loKirsty Conventry, ophethe uhlangothi lwezemidlalo labatsha.

Ingxoxo Esiyenze LoNkosikazi Sithembiso Nyoni
please wait

No media source currently available

0:00 0:03:30 0:00

Ohlaziya ezombusazwe ezimele yedwa, uMnu. Butler Tambo, uthi ozabephethe ezemali usikhwicamfundo Ncube ovela eLupane ulolwazi olukhulu njalo enganceda ilizwe kakhulu.

Uncome njalo osakhulayo uMangaliso Ndlovu odabuka ePlumtree okuhlangothi lwezamafekithali.

Uthi uNdlovu ulakho ukuletha inguquko ikakhulu ekuvuseleleni amankampani avaliweyo koBulawayo.

“Nxa sikhangela abantu abakhethiweyo ukubangabaphathintambo abangancedisa ukuthi isigaba lesi sithuthuke, usikhwicamfundo Mthuli Ncube engancedisa kwezemali. Omunye njalo nguMnumzana uNdlovu ozabe ekhangele ezama industry sikhangele ukuthi engabalesifiso sokuvuselela amankampani.”

UTambo wengeze esithi uNkosikazi Nyoni loMnu. Abedinico Ncube, umphathintambo wesabelo seMatabeleland South, kumele baguqule indlela abasebenza ngayo ukuze babe losizo ebantwini beMatabeleland.

“Akula lutho oseluvele kumama uSithembiso Nyoni ngakho sikhangelele ukuthi atshintshe indlela abesebenza ngayo … Ubaba uAbednico Ncube laye ngomunye obiselwe kodwa akula lutho alwenzileyo eminyakeni yonke le. Sikhangele ukuthi baguqule indlela abasebenza ngayo.”

Abangakhethwanga ukuba babuyele kudale leCabinet akade sebehlale isikhathi eside besebenzela uhulumende bagoqela uMnu. Obert Mpofu, uMnu. Patrick Chinamasa, uMnu. David Parirenyatwa labanye abambalwa.

Facebook Forum

XS
SM
MD
LG