amalinks wokungena

Breaking News

Nelson Chamisa: Kangixoxisani loMnangagwa Njalo Kasisoze Singene Kuhulumende Womanyano


UMnu. Nelson Chamisa webandla leMovement for Democratic Change (MDC).

Umkhokheli webandla eliphikisayo eleMovement for Democratic Change, uMnu. Nelson Chamisa, uthi uMongameli Emmerson Mnangagwa kakakhulumi laye ngokusebenza laye kulandela ukhetho athi lwebiwa libandla leZanu PF.

UChamisa wethule lokhu emsakazweni weStudio 7 kuhlelo lweLivetalk.

UChamisa uthi uMnangagwa kumbe izithunywa zakhe kazikaze zimcele ukuthi bakhulumisane ngokhetho, ukugugudeka komnotho lokunye okufanayo.

“Kangikaze ngikhulume loMnangagwa kumbe izithunywa zakhe. Lokhu akutsho ukuthi ngifisa ukuthi ngenze umhlangano laye. Hatshi. Ngiyenzela ukuthi abantu bazwisise ukuthi sime ngaphi ngodaba lolu.

"Ngiyamangala ukuthi lephephandaba leSunday Mail lifisa ukungikhulumela. Kangifuni ukuba nguPrime Minister. Kangifisi njalo ukuba ngumkhokheli webandla eliphikisayo edale lephalamende. Ngitsho lokhu ngoba yithi esanqobayo. Yithi esibusayo kwele Zimbabwe. Abantu basivotela ngakhoke sisadingisisa ukuthi bafunani. Ngakho-ke angikhulumisani loMnangagwa labantu bakhe.

Uthi kasoze angene kuhulumende womanyano njengalokho okwenziwa nguMnu. Morgan Tsvangirai.

UChamisa Uthi Kafuni Ukungena Kuhulumende Womanyano
please wait

No media source currently available

0:00 0:03:38 0:00

“Esikwazi mhlophe yikuthi kasifuni iGNU. Kasifuni ukuthi kwenzakale lokhu abakwenza kumuyi uMorgan Tsvangirai … Nza kumele sikhulumisane kumele sikhulumisane ngezinto ezinengi ezihlupha ilizwe leZimbabwe. Okokuqala yikuthi sikhulume ngesikhundla sikaMnangagwa angena kuso ngudlu. Lapha sikhulume ngezifiso zikazulu. Akulangqondo ukuthi abantu benza ukhetho, bakhethe umuntu bamfunayo kube sokwebiwa ukhetho. Sifuna ukuthi izifiso zikazulu zihlonitshwe. Kasifuni ukuthi ibutho libe yilo elitshela abantu ukuthi benzeni kwezombusazwe. Kumele benze intando yabo.

Uthi kumele kuguqulwe indlela okuqhutshwa ngayo ezokhetho kwele Zimbabwe lapho okuba lomsindo kungenziwa ukhetho.

“Kumele silungise indlela ukhetho oluqhutshwa ngayo. Kumele iZEC igeziswe, ihlambuluke ngoba isitshengise ukuthi kayenelisi ukuqhuba ukhetho olubalulekileyo. Abaqhuba ukhetho lamakhomishini awe ZEC kabakwazi ukuthi benzani. Abanye babo kabahlonitshwa nguzulu … Kumele njalo kubelemisakazo eminengi kwele Zimbabwe. Singeke lomsakazo kamabonakade owodwa njengalokhu okwenzakale eZimbabwe kweminyaka eminengi.

UChamisa uphinde wathi ufisa ukuthi abantu beZimbabwe baphile ngcono kulalokhu okwenzakala elizweni. Uthi uzimisele ukuthi akhulumisane loMnangagwa ngokuhlupha ilizwe leZimbabwe.

Ibandla leZanu PF lithi uChamisa kumele azame ukusebenzelana loMnangagwa hatshi ukuchothoza okwenziwa nguhulumende.

UMnu. Dingumuzi Phuthi, omele iBulilima West kudale lephalamende ekubandla leZanu PF, uthi uChamisa akumelanga awomisele uMnangagwa “ngezinto ezingasebenziyo”.

Ingxoxo Esiyenze LoMnu. Dingumuzi Phuthi
please wait

No media source currently available

0:00 0:01:04 0:00

UMnu. Den Moyo, umgcinisihlalo webandla leMDC-T elikhokhelwa nguNkosazana Thokozani Khupe, uthi akumelanga uMnangagwa kumele kube nguye ophendla indlela yokwenza umhlangano loChamisa.

Ingxoxo Esiyenze LoMnu. Den Moyo
please wait

No media source currently available

0:00 0:01:59 0:00

Facebook Forum

XS
SM
MD
LG