Ibandla leZanu PF lithi kumele abantu beZimbabwe basebenze ndawonye ukwenzela ukuthuthukisa ilizwe elibhekane lokugugudeka komnotho okumangalisayo.
Ibandla leli licabangela ukuthi eleMovement for Democratic Change yilo elidonsela muva ngesikhathi uMongameli Emmerson Mnangagwa ezama ukuguqula isimo somnotho.
UMnangagwa usekubeke sobala ukuthi akusoze kube lohulumende womanyano kwele Zimbabwe. Ibandla leMDC elikhokhelwa nguMnu. Nelson Chamisa lalo lithi kalifuni ukungena kuhulumende womanyano.
Umnotho welizwe usubhidlike okumangalisayo.
UMnu. Believe Gaule, okudale leCentral Committee kubandla leZanu PF, uthi kumele ibandla leMDC lizimisele ukuvuselela umnotho welizwe.
Kodwa-ke uNkosazana Thabitha Khumalo, umgcinisihlalo webandla leMDC, uthi kungeke kulunge kwele Zimbabwe nxa ibandla elibusayo lingavumanga ukuthi ladliwa kukhetho olwenziwa ngoNcwabakazi lonyaka.
