amalinks wokungena

Breaking News

UMnangagwa Uthi Sokusele Kancane Ukuthi Kubotshwe uKasukuwere Labanye 'Abatshaphaza' iZimbabwe


UMongameli Emmerson Mnangangwa

UMongameli Emmerson Mnangagwa uthi ulakho ukucela ilizwe leSouth Africa ukuthi libophe ababengamalunga ebandla leZanu PF abaqhubekela phambili bechothoza umbuso wakhe.

UMnangagwa, owethule lokhu izolo emhlanganweni awenze lamalunga ebandla lakhe eGweru, uthi kuyadanisa ukuthi abantu laba basebenzisa ubulembu bokuxhumana ukuba bethule imibiko ethuka ilizwe leZimbabwe.

Loba engabaqambanga ngamagama abantu laba, kukhanya ubekhuluma ngoMnu. Saviour Kasukuwere, uMnu. Patrick Zhuwao labanye ababaleka eZimbabwe kulandela ukususwa kuka muyi uRobert Mugabe esikhundleni sikamongameli.

UMnangagwa uthi uyakwazi lapho abantu laba abahlala khona ngakho-ke akusoze kuhluphe ukuthi babotshwe babiselwe eZimbabwe ukuyathoniswa amacala atshiyeneyo.

UKasukuwere, uZhuwao, uSikhwicamfundo Jonathan Moyo babefuna uMnu. Sydney Sekeramai athathe isikhundla sikaMugabe hatshi uMnangagwa. UKasukuwere uthi uMnangagwa uchitha isikhathi elwisana labantu kulokuthi alungise okuhlupha uzulu.

UMnangagwa Udinga uKasukuwere Labanye Bakhe Ngamehlo Ambomvu
please wait

No media source currently available

0:00 0:01:55 0:00


Facebook Forum

XS
SM
MD
LG