amalinks wokungena

Breaking News

Johnnie Carson: UMnangagwa Nguye Umongameli Kwele Zimbabwe


UAmbassador Johnnie Carson

Owake waba yisiphathamandla sikahulumende we-Melika ekhangelane ngokwenzakala kuzwekazi le Africa uthi uMnu. Emmerson Mnangagwa nguye umongameli welizwe le Zimbabwe.

UAmbassador Johnnie Carson, osanda kwethekelela kwele Zimbabwe engaphansi kwenhlanganiso ye Zimbabwe International Election Observation Mission, uthi lokhu kwethulwa yikhomishini yeZimbabwe Electoral Commission kanye lomthethwandaba weConstitutional Court.

“Ngithi uMongameli wethulwa yikhomishini yeZEC njalo lokhu kwasekelwa ngumthethwandaba weConstitutional Court owalahlela khatshana udaba olwaluphanyekwe kulo ngumanyano weMDC Alliance. Umongameli okhona ngumongameli welizwe.”

Uphinde wathi kumele uhulumende akhulumisane lamabandla aphikisayo ukwenzela ukuthi ilizwe lithuthuke ngemfanelo.

“Kumele kubelokukhulumisana kwamacele wonke. Lapha ngikhuluma ngebandla elibusayo kanye labaphikisayo. Bonke kumele bekhulumisane ukwenzela ukuthi ilizwe libuswe ngemfanelo.”

Uthi kokhona abakuncoma ngokhetho olwenziwa eZimbabwe ngoNtulikazi loba kukhona okungenziwanga ngemfanelo.

“Kumele kubelokukhulumisana kwamacele wonke. Lapha ngikhuluma ngebandla elibusayo kanye labaphikisayo. Bonke kumele bekhulumisane ukwenzela ukuthi ilizwe libuswe ngemfanelo. Esikunanzelele eZimbabwe njalo esilokhe sikuhlolisisa yikuthi kukhona okwenziwa ngesikhathi sokhetho okwakuveza ukuzama okumangalisayo kukahulumende ukuba atshengise ukuthi uguqule indlela yokuqhuba ukhetho. Lokhu kwakusedlula okwenziwa ngokhetho olwadlulayo. Kodwa-ke kukhona njalo okwenziwa ngesikhathi sokhetho esingathi akwenziwanga ngemfanelo.”

UCarson uthi kunengi kakhulu abakwethule kugwalo lwabo ngokhetho lolu okungenziwanga kahle nguhulumende.

“Sikwethule kugwalo lwethu konke okusihluphayo ngelizwe leZimbabwe. Ngibona engani kuqakathekile ukuthi ikhomishini yeZimbabwe Electoral Commission ilungise indlela ukuqhutshwa ngayo ukhetho. Lapha ngikhuluma ngokuqhuba ukhetho oluzahlonitshwa ngabantu bonke.Ngibona engani kuqakathekile njalo ukuthi inkokheli yomdabu ingangeneli kwezombusazwe. Akumelanga ibonakale ingani isekela amanye amabandla. Kuqakathekile ukuthi ibandla elibusayo lingasebenzisi ukudla lenhlanyelo ukwenzela ukuthi livotelwe ngabantu. Kumele uhulumende engasebenzisi impahla kahulumende ekukhankaseleni ukhetho.”

Uthi kumele kuhlonitshwe ilungelo likazulu.

“Kuqakathekile ukuthi abantu bananzelele ukuba balelungelo lokwenza imihlangano abayifisayo njalo lokuthi bayavunyelwa ukuthi batshengisele santando emigwaqweni. Ibutho lalo kufanele linanzelele ukuthi akumelanga ukuthi lihlukuluze abantu nxa betshengisela emigwaqweni. Konke lokhu kuqakathekile kakhulu.

“Kumele abesifazana bengene ngobunengi kwezombusazwe. Sinanzelele ukuthi lehlile inani labesifazana abangene edale lephalamende labaphatheke kwezamabandla abo.”

Umanyano weMDC Alliance uqhubekela phambili usithi uMnu. Nelson Chamisa nguye owanqoba kukhetho lukamongameli hatshi uMnangagwa. Umanyano lo ulungiselela ukugcoba uChamisa ukuba abengumongameli welizwe leZimbabwe loba kungasoze kwenziwe nguChief Justice Luke Malaba kumbe umsekeli wakhe.

UJohnnie Carson Wakwele Melika Uthi uMnangagwa Nguye Umongameli weZimbabwe
please wait

No media source currently available

0:00 0:05:46 0:00

Facebook Forum

XS
SM
MD
LG