amalinks wokungena

Breaking News

Abanye Bathi uMnangagwa Wenze Kahle eUnited Nations Kodwa iMDC kaChamisa Ithi Ubenhlanhlatha Nje


UMnu. Emmerson Mnangagwa ukhuluma emhlanganweni weUnited Nations General Assembly eNew York kwele Melika.

Kulabanye abatshayele uMongameli Emmerson Mnangagwa ihlombe ngakwethule emhlanganweni weUnited Nations General Assembly eNew York izolo ntambama.

Omunye wabo nguMnu. Muzi Ncube, unobhala jikelele webandla leMDC-T elikhokhelwa nguNkosazana Thokozani Khupe.

UNcube utshele iStudio 7 ukuthi uMnangagwa uziphathe kahle okwedlula owayengumongameli uMnu. Robert Mugabe.

“UMongameli Mnangagwa ubuye lapha wamela kahle ilizwe leZimbabwe hatshi lokhu okwakusenziwa nguMugabe owayefika eUnited Nations ethuka, ethithisa eleMelika, eleBhilithane lamanye amazwe. Ngumuntu nje owayesifaka abantu.

“Sibonile ukuthi uMongameli Mnangagwa ubuye ngendlela eyehlukeneyo kakhulu waveza ukuthi ilizwe leZimbabwe liya lapho afisa ukuthi libe khona ngaphansi kukahulumende omutsha.”

Uthi kusobala ukuthi uMnangagwa ulenjongo yokuthuthukisa ilizwe leZimbabwe.

Ingxoxo Esiyenze LoNkosazana Thabitha Khumalo
please wait

No media source currently available

0:00 0:04:10 0:00

Kodwa-ke uNkosazana Thabitha Khumalo, umngcinisihlalo weMDC ekhokhelwa nguMnu. Nelson Chamisa, uthi uMnangagwa ukhulume xhathu okwakusethulwa nguMugabe.

“Angiboni mehluko phakathi kwababili laba. Ukhulume konke okwakukhulunywa nguMugane. Akulamehluko.”

Uthi bangeke badlelane laye ngoba bathi weba ukhetho olwenziwa ngoNtulikazi lonyaka.

“Siyakwazi ukuthi uMnangagwa weba ukhetho ngakho-ke asilandaba lalokhu akwethula emhlanganweni weUnited Nations General Assembly.”

Ingxoxo Esiyenze LoMnu. Muzi Ncube
please wait

No media source currently available

0:00 0:02:28 0:00

UMnangagwa wasusa uMugabe esikhundleni nyakenye kulandela ukungenela kwebutho elathi lifuna ukuthi kususwe abantu ababesebenzelana laye ababecatshangelwa ukuthi babefisa ukuthi uNkosikazi Grace Mugabe angene esikhundleni sakhe.

Kusenjalo, izakhamizi zakoBulawayo seziveze imibono ehlukile ngohambo lwakuqala lukamongameli Mnangagwa kumhlangano we United Nations General Assembly.

please wait

No media source currently available

0:00 0:03:10 0:00

Facebook Forum

XS
SM
MD
LG