amalinks wokungena

Breaking News

Mnangagwa: Abalandeli Bamabandla Aphikisayo Yibo Ababangela Udlakela eHarare Okwafa Khona Abantu


UMongameli Emmerson Mnangagwa uthi abalandeli bomanyano weMDC Alliance yibo abenza kubelodlakela eHarare okwabulawa khona abantu abayisikhombisa libutho.

UMnangagwa utshele abantu abakumbuthano wokunanza usuku lwamaqhawe eHeroes Acre izolo ukuthi abaphikisayo babefuna ukuphambula ukhetho olubalulekileyo olwenziwa eZimbabwe.

Ibutho lahlasela abantu betshengisela besola ukuphuza kwekhomishini yeZimbabwe Electoral Commission ukuveza impumela yokhetho lukamongameli.

Akesizwe uMnangagwa ekhuluma ngodlakela lolu.

UMnu. Handel Mlilo webandla leMDC-T uthi uMnangagwa usenga ezimithiyo.

Kusenjalo, Umnu. Sibusiso Moyo, umphathintambo kahulumende wakwele Zimbabwe obona ngezokudlelana lamanye amazwe, uthi sokumele ilizwe leMelika lesule izijeziso zenotho ezafakelwa abalandeli bebandla leZanu PF.

UMoyo, owethule lokhu eHarare ekhuluma lentathelizindaba, uthi akulazizatho zokuthi izijeziso lezi lingesulwa njengoba sebelungise okunengi okufisa lilizwe leMelika okungaphansi komthetho weZimbabwe Economic and Democracy Recovery Amendment Act. Umthetho lo usanda kwethulwa nguhulumende weMelika othi kumele ele Zimbabwe lenze ukhetho olubalulekileyo njalo lingephuli ilungelo loluntu.

UMnu. Den Moyo, okubandla leMDC-T elikhokhelwa nguNkosazana Thokozani Khupe, uthi uMoyo ukhuluma intanda yakhe.

Facebook Forum

XS
SM
MD
LG