amalinks wokungena

Breaking News

Uzulu Uthi Kumele uMnangagwa Akhethe Uhulumende Olohlonzi


Zimbabwe Elections

Uzulu wakoBulawayo sekhuthaze uMongameli Emmerson Mnangagwa ukuthi akhethe uhulumende olohlonzi ozasebenza ngobuqotho avuselele amankampani kube lemisebenzi elizweni.

Abantu abanengi abakhulume leStudio 7 kulelidolobho bathi bakhangelele uhulumende ozaletha utshintsho kwezenotho.

Bathi uMongameli Emmerson Mnangagwa kumele akhethe idale leCabinet elilamalunga alohlonzi njalo athembekileyo. Omunye wabo nguNkosikazi Nontobeko Mabhena yena othi ukukhethana ngobungane lobuhlobo kumele kuphele.

“Sikhangelele ukuthi kufakwe abantu abazi umsebenzi hatshi abantu abangazi lutho. Sifuna uminister of health hatshi uminister of death.”

Esinye njalo isakhamuzi sakoBulawayo uMnu Busani Moyo uthi uMnangagwa kumele akhethe abaphathintambo abakhaliphileyo njalo abangabantu abasakhulayo.

“Sifuna uhulumende olabantu abatsha.”

Kodwa abanye bathi akulalutho olutsha abalukhangeleleyo kuhulumende kaMnangagwa ngoba ehluleke ukugcwalisa izithembiso azenze nyakenye.

Osakhulayo uNkosikazi Martha Dube, ngomunye wabalombono lo.

“Izithembiso ezenziwa nguED (Emmerson Mnangagwa) lokhe zingakagcwaliswa ngakho sithemba ukuthi khathesi uzazigcwalisa.”

UNkosikazi Thoko Nyathi laye uthi kaboni uhulumende kaMnangagwa eletha ububelo ebunzimeni obuselizweni.

“Thina lapha koBulawayo lokhe singakaboni ukuvulwa kwamabhizimusi asazi kumbe lapho okuhlala khona umongaeli avuliwe njengoba ehlala ethi Zimbabwe is Open for Business.”

UMongameli Mnangagwa ukhangelelwe ukukhetha abaphathintambo bakahulumende wakhe yiloba nini.

Udaba Esilethulelwe NguBathabile Masuku
please wait

No media source currently available

0:00 0:02:02 0:00

Facebook Forum

XS
SM
MD
LG