amalinks wokungena

Breaking News

'UMnangagwa Obesemhlanganweni weAfrican Union Ubuyele Ekhaya Ethwele Izandla'


UMnangagwa ngesikhathi esemhlangagweni weAfrican Union Summit.

Abantu abanengi kwele Zimbabwe bathi umhlangano wenhlanganiso yeAfrican Union ogqitshwe ngoMvulo edolobheni leAddis Ababa kwele Ethiopia kawusoze uncede ilizwe leZimbabwe elibhekane lomnotho obhidlika okumangalisayo lobanje uMongameli Emmerson Mnangagwa ezama ukudinga imali yokuwuvuselela.

Bathi uMnangagwa ubuyela ekhaya ephethe izandla. UMnangagwa utshele intathelizindaba ukuthi ibhanga leTD Bank lithembise ukuboleka ele Zimbabwe amatshumi amahlanu ezigidi zamadola - $500 million - yokuvuselela umnotho.

Amabhanga akwele China, ele Belarus lamanye ajayele ukuthembisa uMnangagwa ukumupha imali yokuvuselela umnotho weZimbabwe kodwa konke lokhu akubonakali emphakathini.

Kusenjalo, inhlanganiso yeSouthern African Development Community ithi kumele inhlanganiso yeEuropean Union yesule izijeziso zenotho ezafakelwa inkokheli yebandla leZanu PF. ISADC yethule lokhu ngesikhathi kuphethwa umhlangano weAfrican Union kwele Ethiopia.

Ukuze sihlaziye uhambo lukaMnangagwa lolu, sixoxe loMnu. Joseph Tshuma olilunga lebandla leZanu PF, othi uMnangagwa kumele ahlangane labanye bakhe ukwenzela ukuthi athole amacebo akhaliphileyo okuthuthukisa umnotho welizwe.

Ingxoxo Esiyenze LoMnu. Joseph Tshuma
please wait

No media source currently available

0:00 0:01:25 0:00

Kodwa uMnu. Volta Moyo, ilunga lebandla leMDC elikhokhelwa nguMnu. Nelson Chamisa, uthi akulalutho uMnangagwa akuphathele ilizwe leZimbabwe.

Ingxoxo Esiyenze LoMnu. Volta Moyo
please wait

No media source currently available

0:00 0:02:17 0:00

Facebook Forum

XS
SM
MD
LG