amalinks wokungena

Breaking News

USheffra Dzamara Ucele uMnangagwa Ukuthi Adinge Umkakhe Owathunjwa Ngomnyaka ka2015


UNkosikazi Sheffra Dzamara lokunhlanganiso yeZimbabwe Lawyers for Human Rights bakhuluma lentathelizindaba phandle kwewofisi kaMongameli Emmeson Mnangagwa. (Photo: Mlondolozi Ndlovu)

UNkosikazi Sheffra Dzamara uselobele incwadi uMongameli Emmerson Mnangagwa emcela ukuthi adinge umkakhe, uMnu. Itai Dzamara, owathunjwa ngomnyaka ka2015 ngabacatshangelwa ukuba ngabezomvikela ababedlelana lowayengumongameli umuyi uRobert Mugabe.

UDzamara, ohambe emawofisini kaMnangagwa lapho anike izisebenzi zakhe incwadi le, uthi uyehluleka ukuphila kahle labantwana bakhe kulandela ukuthunjwa kuka Dzamara lapho ayegela inwele eGlen View eHarare.

Ucele uMnangagwa ukuthi kuvezwe ucwaba lika Dzamara kumbe lapho alahlelwa khona esebulewe ngabamthumbayo.

“…Sokulesikhathi eside wathunjwa uDzamara. Kulomuntu kuhulumende owazi ukuthi kwenzakalani kuye. Nxa abamthumbayo bambulala, ngicela isidumbu sakhe ukwenzela ukuthi sikhale ngemfanelo sibekwazi ukuthi wabhubha. Kungenzakala lokhu ngilakho ukuthatha abantwana ngibatshengise incwaba likayise. Ngokukhala kwami okukhulu ngiyacele kakhulu ngengomongameli ukuthi ungincede kulokhu. Ngilethemba lokuthi uzamceda ukuze abantwana bakhe bekhule besazi okwenzakala kuyise. Kangisoze ngiphumule ngize ngithole impendulo kudaba lolu.”

Kasenelisanga ukukhuluma ngodaba lolu lesikhulumeli sikamongameli uMnu. George Charamba obengaphenduli umakhalekhukhwini wakhe.

Kusenjalo, inhlanganiso ebona ngelungelo likazulu, eyeAmnesty International ithi kumele uhulumende kaMnangagwa aveze okwenzakala kuDzamara, owayefuna ukuthi uMugabe asuke esikhundleni.

Inhlanganiso le ithi akulamuntu onganyamalala elizweni kungaziwa ukuthi kwenzakalani kuye.

Facebook Forum

XS
SM
MD
LG