amalinks wokungena

Breaking News

Abazali Bahlutshwa Yikukhuphulwa Kwenhlawulo Yemihloliso Yabantwana


Abantwana besikolo bayafunda.

Abazali kanye labamele inhlanganiso ezitshiyeneyo bathi badaniswe yikukhuphulwa kwenhlawulo yemihloliso.

Inengi labazali lithi ngeke lanelise ukubhadalela lindleko. Ngalokho, uhulumende ubuye wathi labo ababhadala kungakakhuphulwa inhlawulo yemihloliso kumele bangezelele kuthi labo ababhala bengafundi ezikolo bazahlawula yonke imali yemihloliso.

Ababalisi bathi isisekelo sombuso sipha wonke umtwana ilungelo lemfundo kodwa kuyadanisa nxa sokunguhulumende ohluthuna leli lungelo ngoba indleko yokubhala imihloliso izancindezela inengi labantwana ukuba baqhubeke ngemfundo.

UMnu. Thembakuye Moyo, owenhlanganiso yeAlmagameted Rural Teachers’ Union of Zimbabwe ongumgcinisihlalo wesigaba seLupane, uthi uhulumende kumele abuyele kusisekelo sombuso.

UNobhala wenhlanganiso yeAmalgameted Rural Teachers’ Union of Zimbabwe, uMnu. Fortune Jamela, uthi uhulumende kumele athwale umlandu wokubhadala indleko zemfundo.

“Sithola ukuthi uhulumende sebuyela emuva ngalokhu akuthembisa abantu ngesikhathi leli ilizwe lithola uzibuse ukuthi yena uzakwenza ukuthi wonke umuntu akwazi ukuthi athole imfundo engakhiphanga loba ngitsho i-cent elesikhala. Lokhu-ke sekufaka ukusindwa okunengi ebazalini abavele besindwa yindlala engaka elizweni. Kulokhu thina sithi siyiARTUZ sithi asikuvumi lokhu njalo nxa uhulumende engathwalanga lumthwalo sezathola ukuthi lathi sizatshotshozela abazali ukuthi bakwale lokhu.”

UNkosikazi Belinda Ndlovu, umzali olomntwana osesikolo koBulawayo, uthi imali akade beyibeke eceleni yokubhadalela zonke indleko zemfundo zomtwana ozabhala imihloliso lamuhla ivuke isikwana okukodwa kuphela.

Facebook Forum

XS
SM
MD
LG