amalinks wokungena

Breaking News

Iziqondiso Ezintsha Zemfundo Zikhuthaza Ukufundiswa KweChinese leSwahili


Sokuzamele abantwana abakuForm 4 bengapasiswa yimpumela yemihloliso kuphela kodwa kukhangelwe njalo ukuthi babesenza njani phakathi komnyaka.

Uhlangothi lukahulumende lwezemfundo soluphume leziqondiso ezintsha zokufundiswa ezikolo indimi ezinjenge Chinese, Swahili French lePortuguese.

Embikweni owethulwe kuphephandaba leHerald lolu hlangothi luthi phansi kwalezi ziqondiso sokuzamele abantwana ezifundweni zikaForm 4 balobe imihloliso ngendlela entsha.

Abantwana kulesisigaba sokuzamele bengapasiswa yimpumela yemihloliso kuphela kodwa kukhangelwe njalo ukuthi babesenza njani phakathi komnyaka.

Abaphume leziqondiso lezi ezibiwa ngokuthi yiCurriculum Framework, bathi imihloliso kaForm 4 kayenelanga nxa kuhlolisiswa okwenziwa ngabantwana.

Ngaphandle kwalokhu, abantwana bakhangelelwe njalo ukuthi baqalise ukuthatha imihloliso yezokulima kusukela ngomnyaka ozayo. Kumele abantwana balolongwe kwezezandla okuzagoqela ukuya ukufundiswa ezomvikela.

Idale leCabinet likhangelelwe ukuthi lizahlaziya lokhu kungakenziwa ezikolo. Kasenelisanga ukukhuluma leziphathamandla zohlangothi lukahulumende lolu.

Kodwa-ke sixhume uMnu. Sifiso Ndlovu, umqondisi weZIMTA owayephakathi kokuphuma leziqondiso lezi ezalandela okwethulwa yilabo abacelwa nguMongameli Robert Mugabe ukuthi bahlolisise ezemfundo ngomyaka ka1999 beku Nziramasanga Presidential Commission of Inquiry on Education.

XS
SM
MD
LG