WASHINGTON DC —
Umthethwandaba kamantshi uthi iqembu lenguqu ele Dynamos akusamelanga lisebenzise ibizo leli nxa lingabhadalanga imali yenkampani ye Cyprus phose inkulungwane ezinhlanu zamadollar-$4,900.
Idale elithetha amacala kazulu libikwa lithe inkampani ye Cyprus iQotho Finance imangalele iDynamos ifuna ukuhlawulwa phakathi kwensuku ezimbili ezilandelayo.
IDynamos ibikwa ibisebenzisa imali eye Qotho Finance lapho ibhekane lobunzima bemali kodwa yehluleka ukubhadala isikwelede lesi.
Idale le Ccivil Court ngomnyaka ophelileyo lithethe isinqumo sokuthi kumele iDynamos, ihlawule imali le. Abaphathintambo beqembu leli bathi bayalwazi udaba lolu ngakho balethemba lokuthi bazayibhadala imali le ngoMvulo.
Silokhe sikudaba olufanayo, inhlanganiso yenguqu eye Zimbabwe Football Association ithi kungamanga ukuthi iFIFA isanda kwethula isinqumo sokuthi abadlali lalabo ababekhokhela iqembu lama warriors abatholakale belecala lokufumbathiswa e-asia kumele baxolelwe.
Umnu. Curthbert Dube utshele abezindaba eHarare ukuthi abantu abalobe udaba lolu yilabo abafuna ukuthi kuxolelwe ababefumbathiswa yi Asian syndicate emdlalweni wama Warriors kusukela ngomnyaka ka 2007 kusiya ku 2009.
Iphephandaba le Herald lisanda kwethulwa udaba lokuthi iFIFA iyalile ukuvumela iZIFA ukuthi ijezise wonke umuntu owayefumbathiswa imali.
Abanye abadlali, iziphathamandla zebhola lenguqu kanye lentathelizindaba zagwetshelwa ukuthi zingaphindi zilugxobe emdlalweni webhola.
Inhlanganiso ye FIFA ibikwa isithi kayisoze ikhulume ngodaba lolu njengoba isahlolisisa amaphepha wonke aphathelane laloludaba avela kuZIFA.
Umnu. Muziwethu Hadebe ingcwethi kwezenguqu uthi udaba lwe asiagate soludidanise uzulu ingqondo njengoba kungasaziwa ukuthi kwenzakalani.
Idale elithetha amacala kazulu libikwa lithe inkampani ye Cyprus iQotho Finance imangalele iDynamos ifuna ukuhlawulwa phakathi kwensuku ezimbili ezilandelayo.
IDynamos ibikwa ibisebenzisa imali eye Qotho Finance lapho ibhekane lobunzima bemali kodwa yehluleka ukubhadala isikwelede lesi.
Idale le Ccivil Court ngomnyaka ophelileyo lithethe isinqumo sokuthi kumele iDynamos, ihlawule imali le. Abaphathintambo beqembu leli bathi bayalwazi udaba lolu ngakho balethemba lokuthi bazayibhadala imali le ngoMvulo.
Silokhe sikudaba olufanayo, inhlanganiso yenguqu eye Zimbabwe Football Association ithi kungamanga ukuthi iFIFA isanda kwethula isinqumo sokuthi abadlali lalabo ababekhokhela iqembu lama warriors abatholakale belecala lokufumbathiswa e-asia kumele baxolelwe.
Umnu. Curthbert Dube utshele abezindaba eHarare ukuthi abantu abalobe udaba lolu yilabo abafuna ukuthi kuxolelwe ababefumbathiswa yi Asian syndicate emdlalweni wama Warriors kusukela ngomnyaka ka 2007 kusiya ku 2009.
Iphephandaba le Herald lisanda kwethulwa udaba lokuthi iFIFA iyalile ukuvumela iZIFA ukuthi ijezise wonke umuntu owayefumbathiswa imali.
Abanye abadlali, iziphathamandla zebhola lenguqu kanye lentathelizindaba zagwetshelwa ukuthi zingaphindi zilugxobe emdlalweni webhola.
Inhlanganiso ye FIFA ibikwa isithi kayisoze ikhulume ngodaba lolu njengoba isahlolisisa amaphepha wonke aphathelane laloludaba avela kuZIFA.
Umnu. Muziwethu Hadebe ingcwethi kwezenguqu uthi udaba lwe asiagate soludidanise uzulu ingqondo njengoba kungasaziwa ukuthi kwenzakalani.
