Iqembu lomdlalo webhola lokuqaga elimela eleZimbabwe kumidlalo yezizwe zomhlaba eyeNetball World Cup liphumelele emdlaweni walo wakuqala oqhutshelwa kweleBhilithani ngoLwesihlani.
Iqembu leZimbabwe elaziwa ngegama elithi Gems linqobe eleSri Lanka nge79 ka49 emdlalweni wesibaya sikaGroup A.
Bajabule kakhulu abantu akade bebukele umdlalo lo kanye lamantombazana eZimbabwe ngokubhuqa iqembu leSri Lanka; ngokubika kwentathelizindaba yeStudio 7 uEzra Tshisa Sibanda.
NgoMgqibelo eleZimbabwe lizabhuqana leleAustrlia edolobheni leLiverpool. EleZimbabwe ngelinye lamazwe amane adabuka kuzwekazi leAfrica abakumncintiswano lo.
Amanye abalisa eleMalawi, eleUganda leSouth Africa. Ukunqoba kweZimbabwe kuthakazelelwe ngabantu abanengi ekhaya lapho intatheli yethu uJoseph Njanji athi inengi selikhangelele kumdlalo wakusasa.